الحطب والنار مع صفر الدلال

[فواز الشيباني]

[poem=font="Simplified Arabic,4,white,bold,normal" bkcolor="darkred" bkimage="" border="none,4,gray" type=1 line=0 align=center use=ex num="0,black"]
هب ذعذاع الصفاري من شمال
=وانعش الخفاق في نسناس ليل
مابقى لسهيل كود اربع ليال
=واكثرالعربان ماهمه سهيل
لانشا من يمة القبله خيال
=كن لمع بروقها مع الصقيل
حس رعاده تلج به الجبال
=منذر بالخوف والخير الفضيل
هل وبله وانتثر ي كل جال
=سالت الوديان والشعبان سيل
جاك علمه وانبسط راع الحلال
=والطيور الها تغاريد وهديل
كن ريضانه تصوت لك تعال
=ريحهاعقب المطر يبري العليل
والحطب والنار مع صفر الدلال
=ريح رمث وريح بن وريح هيل
والشراع وجمعةقروم العيال
=ماتوسط بيننا خطو البخيل
والقنص خوة مشاكيل الرجال
=والحرار اللي فعايلها تهيل
ماحلا لا حركن عقب الزوال
=اربع الجيبات خامسهن دليل
ثم نزلنا وسط روضً تو سال
=باذره بيّن مع العشب الحويل
ثم بنيناخيمة المعزاب حال
=والتهينا ذا يحط وذا يشيل
والعشا والفال يقفاه العقال
=والوكيل الله ولاغيره وكيل
لاصدفنا عقب شق النور فال
=خربً ازرق صيدته تشفي الغليل
فرغوا مع قولةالزم باحتمال
=هاقي بالطير ماهو بالذليل
بكرً ارقط ماعلى فعله جدال
=قد طرحها فرخ هدّوا به فصيل
الموامي لاقصار ولاطوال
=والكفوف جلاف والعاتق طويل
والحباري طربة في كل حال
=عند راع الكيف منظرها جميل
لذّة الدنيا وتاليها الزوال
=وانت يابن آدم كما عابر سبيل [/poem]

منقوله

[كحيلان]

سلمت يافواز وسل قائلها دائم علومك جزله يالسنافي

[اخو من طاع الله]

مشكور يا فواز على النقل الرائع قصيده مميزه

الله يعطيك العااااااااااافيه

[غريبة الوطن]

مشكور فعلا قصيده راااائعه

[ابوتركي الغبيوي]

بيض الله وجهك

يا فواز الشيباني

تحياتي لك

[((الدلبحي))]

مشكور يا فواز على النقل الرائع قصيده مميزه

تحيااااااااااااااااااااااااااااااااااااتي

[فواز الشيباني]

اخي كحيلان

مشكور ياغالي على مرورك المشرف

الله يعطيك العافيه

[فواز الشيباني]

اخي عبدالله الحافي

اشكرك على تواصلك الرائع

لاخلا ولا عدم

[فواز الشيباني]

اختي غريبة الوطن

مشكوره على المرور

يعطيك العافيه

[فواز الشيباني]

اخي ابو تركي الغبيوي

مشكور على المرور الرائع

يعطيك العافيه