الحطب والنار مع صفر الدلال
 

[poem=font="Simplified Arabic,4,white,bold,normal" bkcolor="darkred" bkimage="" border="none,4,gray" type=1 line=0 align=center use=ex num="0,black"]
هب ذعذاع الصفاري من شمال
=وانعش الخفاق في نسناس ليل
مابقى لسهيل كود اربع ليال
=واكثرالعربان ماهمه سهيل
لانشا من يمة القبله خيال
=كن لمع بروقها مع الصقيل
حس رعاده تلج به الجبال
=منذر بالخوف والخير الفضيل
هل وبله وانتثر ي كل جال
=سالت الوديان والشعبان سيل
جاك علمه وانبسط راع الحلال
=والطيور الها تغاريد وهديل
كن ريضانه تصوت لك تعال
=ريحهاعقب المطر يبري العليل
والحطب والنار مع صفر الدلال
=ريح رمث وريح بن وريح هيل
والشراع وجمعةقروم العيال
=ماتوسط بيننا خطو البخيل
والقنص خوة مشاكيل الرجال
=والحرار اللي فعايلها تهيل
ماحلا لا حركن عقب الزوال
=اربع الجيبات خامسهن دليل
ثم نزلنا وسط روضً تو سال
=باذره بيّن مع العشب الحويل
ثم بنيناخيمة المعزاب حال
=والتهينا ذا يحط وذا يشيل
والعشا والفال يقفاه العقال
=والوكيل الله ولاغيره وكيل
لاصدفنا عقب شق النور فال
=خربً ازرق صيدته تشفي الغليل
فرغوا مع قولةالزم باحتمال
=هاقي بالطير ماهو بالذليل
بكرً ارقط ماعلى فعله جدال
=قد طرحها فرخ هدّوا به فصيل
الموامي لاقصار ولاطوال
=والكفوف جلاف والعاتق طويل
والحباري طربة في كل حال
=عند راع الكيف منظرها جميل
لذّة الدنيا وتاليها الزوال
=وانت يابن آدم كما عابر سبيل [/poem]

منقوله

سلمت يافواز وسل قائلها دائم علومك جزله يالسنافي

مشكور يا فواز على النقل الرائع قصيده مميزه

الله يعطيك العااااااااااافيه

مشكور فعلا قصيده راااائعه

بيض الله وجهك

يا فواز الشيباني

تحياتي لك

مشكور يا فواز على النقل الرائع قصيده مميزه

تحيااااااااااااااااااااااااااااااااااااتي

اخي كحيلان

مشكور ياغالي على مرورك المشرف

الله يعطيك العافيه

اخي عبدالله الحافي

اشكرك على تواصلك الرائع

لاخلا ولا عدم

اختي غريبة الوطن

مشكوره على المرور

يعطيك العافيه

اخي ابو تركي الغبيوي

مشكور على المرور الرائع

يعطيك العافيه