المرشدي ..وتخالفت الهقوات ,,وصحيفة الرياض ,,

[عبدالله المرشدي]

المشاركة الأصلية كتبت بواسطة إبن ثعلي اين القصيدة المنشوره يابن سعدي ليش مانسختها لنا تحياتي

[align=center]تخالفت الهقوات



عبدالله مرزوق المرشدي

يالله ياللي بالخفيات تعلم
ياوحد كل الخلايق تهابه

يامغرق فرعون في غبة اليم

ياسايق بامره بشاير سحابه

يافارج الكربات ياكاشف الغم

افرج لمن همه بقلبه سطابه

اسرج خيول الفكر واصحا واحلم

في واقع مر لذيذ شرابه

اقالب الافكار من يم لايم

واميز الحاصل ولوبه تشابه

اشيل ماينطاق واصبر ولا اهتم

حتى ولو جوي تطاير ترابه

اصد كني بعض الاحيان مافهم

لوبالتفت من جد صارت طلابه

اشوف لي خلج ترازم على الجم

في صحصح مافيه غير الذيابه

تعطلت فيه المفاهيم والتم

المنحس واللي يخيب الرجابه

الخبل مايقنع ولوقلت له تم

تبلش معه حتى بشرح الاجابه

ماهوب مثل الحر لاقلت له سم

قدر وخاف ان الخبول تحكابه

سود النوايا كثرها يجلب الهم

وبيض النوابا طب مرضى الكآبه

تخالف الهقوات بالكيف والكم

وتضيق بك دنياك عقب الرحابه

دنيا العنا فيها من المدح والذم

تلعب على الحبلين فن ذرابه

والاخرة أخير وابقى وانعم

للي يميز في خطاه وصوابه

وهذا النص يابن ثعلي كما هو تحيتي لك[/align]