** الاندومي يفاجئ الضيوف **

[! ولد الشيوخ !]

كلام الجرايد هالأيام خذ وخل ...

إن كانت قصة حقيقية وليس مجرد كلام من ابتسام القحطاني ...فهذا خبااااااااااااااااااااااااااااااااااااال ... لأنه ليه يعزم من أساسه إذا كان مو قد العزيمه .. وإلا مستقصدها لربعه ... يمكن ما فيهم خير ... ويبي يهينهم بطريقته ... ويحط لهم قدرهم ....
القصة هذي ذكرتني بقصة واحد من الجماعة ... كان أمير قرية أيام الأمارة ...
المهم جاه ضيف من قبيلة أخرى ... وكان الوقت متأخر والقرية اللي هو أميرها ... ما فيها لا مندي ولا مطاعم ... المهم قدم له كبسة بيت رز ودجاج ...( مع العلم بأن الدجاج نعمه ... ولله الحمد بس بعض الناس يمقته ) المهم ابن عمي هذا تعذر من الرجال وقال له : حياك الله على ما وفق الله والعذر والسموحة وحياك الله على الفال ويقفاه العقال ...
المهم الرجال الثاني تعشى وعين من الله خير ايدامات وسلطات والذي منه ... وسرا ما بات ...
بعدها بكم شهر راح له ولد عمي ويكون في معلومكم انهم يمونون على بعض .... المهم قام هالرجال وذبح ذبيحة وش كبرها .. مفطح على كيف كيفك ... وعزم ربعه وشيابه ... ويوم قلط الرياجيل وولد عمي من ضمنهن ... قال :- حياك الله يالعتيبي ... على اللحم والشحم مهو الدجاج اللي قلطته لي ...كل جماعته نظروا باستغراب ... :
( الموقف كان محرج لولد عمي )
قال له : الله يبقيك ... حطيت لك قدرك بين الرياجيل وحطيت لي قدري بين الرياجيل ...

تضاحكوا بعض جماعة الرجال وهمس واحد منهم وقال : والله وتستاهل وش تبي بالعتيبي تحرجه وهو يمكن معذور وقتها ....

فالأمور هذي يا شباب لا بد أن لها أسباب ... بس ما أتوقع انها عدم مقدرة وإلا ما كان يعزمهم ... لكن الشغلة فيها إن ... يمكن يبي يهينهم لسبب ما

هذا وتقبلوا مروري ورأيي الشخصي ..