كم مهرك ايتها (البنت).؟.كم تدفع ايها (الشاب).؟

[حور]

الحين حنا ناقصات عقل ودين هذا كلام الرسول لكن
تعرف وش معناها
تعرف وين تنقال
ومتى قالها الرسول عليه السلام
وليه قالها
طيب يازلمه بنت الزركاء ناكسة عكل ودين


حنا بنات الوطن وشموع ديجوره
مرابط العز وسيوف النداويه
منابت الملح واصل الورد وزهوره
مكاسر العود والنفحه سماويه
عذبة الانفاس واغلى المسك وعطوره
نفحات الاشجان والنسمه ربيعيه
فوح الخزامى بروض قيل منطوره
قد علها مع بكور الوسم وسميه
حنا بنات الوطن سكناه وخدوره
حنا بنات الوطن والثقل ماريه
ياللي تعذرب بنا يمناك مكسوره
ماكن فينا لك ام وبنت وخيه
افكارك السود مشبوهه ومبتوره
وعلومك العوج ملفوفه وملويه
تلف ولا تزيد اللف لك دوره
العلم بالهون والحاجات مقضيه
خذها على نور والرايات منشوره
بالعدل والميزان مكتوبه ومقريه
خذها وباقي بها وقفات مذخوره
تجيك من فوق وان حبيت رديه
بنت الوطن ياضعيف الراي مذكوره
بالخير والطيب مذكوره سنافيه
من اول الوقت يالمسكين مشهوره
بالفكر واحلى التواصيف النسائيه
بنت الوطن ياقصير الشوف معموره
بالعطف واللين وتزيده بحنيه
ان كان بالكون قالوا عينه وحوره
بنت الوطن من عظيم الشان حوريه
بنت الوطن من جمال الخلق مستوره
الطبع هادي ووقت الجد جديه
ممكن تقوم بوجيه المعتدي ثوره
والاصل تكوينها ثابت حياويه
شيهانة اللحظ بنت الريح منثوره
ملمومة الخصر بنت الذيب ريميه


**********

سمعت ياللي حسبته لعبة الكوره
بعض السوالف لاسقته عماويه
لاضيع الدرب مثلك واخلف شعوره
ندله الدرب والاعمال بالنيه
ياخاوي الفكر والعدلات مقبوره
في صدرك اللي لبس بلواه صدريه
مغرور مثلك ناس مغروره
بمركب النقص والاوهام مبنيه
منادلين الخطا ملفاه وطيوره
الفكر خيال والساحه خياليه
من الحماقه لبسك الكبر وشروره
والحمق رمح الردي وحدود هنديه


***********

ان كان نفسك على الشينات مجبوره
والنار ياميت النيران مطفيه
اجيك انا بنت هالديره وماجوره
واتشوف بنت الوطن والجمره الحيه
اجيك واتشوف بنت السبع مسعوره
واخرك معروف والدعوه طبيعيه
الوقت معروف في زنات دبوره
يخرب العش وهو العش راعيه
ماهيب شربه من الغوري وشابوره
بعض الحكاوي وفيها حدود محميه
خذها وانا اقول ان رديت مشكوره
من واجبي لادفعت الشر والسياف
باول خطوط الدفاع وراس طابوره
اصد وارد والصده هجوميه
خذها وانا بنت قوم المجد وحظوره
مني وانا من بنات الدار نجديه
من نجد ماجيت انا المغرب وناطوره
وماجيت حتى اليمن ماكنت مصريه
خذها وانا ماعرف الحمرا ولا شتوره
ولا جيت عمان ولا ان كنت شاميه
ولا من بابل النهرين واشوره
ولا بعد من بنات الشرق شرقيه
خذها وانا من عظيم الشان منصوره
من نجد مااقول انا شقرا و غربيه


********

سمعت رد الاصيله وافهم سطوره
بسيط منساب والاوزان شعبيه