وهذا رد الشاعر الموهوب محمد بن باني بن مدعث المخاريم الدوسري
عزمت أولف لي من الشعر قيفـان
من جوهر الشعـر إنتقينـا وجبنـا
وليا قصدنا نقـول صـحٍ وبرهـان
وليا رمينا روس الأهـداف صبنـا
قول بن مزعل شب بالقلب نيـران
وعزالله إنـه فـي كلامـه شذبنـا
عضو الفشل علمه لكل المـلا بـان
وحنَـا سمعنـا غلطتـه وإغتربنـا
خبـلٍ يثـور بندقـه دون نيشـان
اللي مـدح بـوشٍ وحنَـا لسبنـا
طلال مدحك بوش ظيعه ونقصـان
ياليت منتـه مـن فصايـل عربنـا
ماتمدح آل سعود ذربيـن الأيمـان
اللي لهم فـي قمـة المجـد مبنـا
نسيت وقفات الفهد ياابـن عثمـان
يـوم إعتزينـا دونكـم وإنتدبـنـا
وأنته بأشيقر ياأبن عثمان سكَـان
تبكـي وحنَـا للصعـاب إنتصبنـا
ياما وقفنـا وقفـةٍ شانهـا شـان
وياما على راس المعـادي ضربنـا
وياما خسرنـا بالمياديـن شجعـان
وياما خسرنا المـال وأنتـم سببنـا
جيتو لنا بقلوبكـم خـف وإجنـان
نسمع صدى صرخة نداكم وأجبنـا
قمنا بعزم وجزم وإخلاص وإيمـان
وبعروة الديـن الحنيـف إقتضبنـا
يوم إختلط نـار وقذايـف ودخـان
خضنا الحروب الطاحنه مآإرتهبنـا
خضنا المعارك يوم زوغات الأذهان
ونزبَـن اللـي هـاربٍ ماهربـنـا
يوم الفهد درعٍ حصيـنٍ للأوطـان
وجاب التحالف كلهـا فـي طلبنـا
عنكم رفعنـا ظلـم ظالـم وطغيـان
وقمنا بوجـه الطاغيـه مآأنسحبنـا
وجازيتو المعروف صـدَه ونكـران
ماكنَنـا معكـم وفيـنـا وطبـنـا
من ينكر المعروف والفضل حيـوان
برتـوْ وللـي بـايـرٍ ماحسبـنـا
لولا أخو نوره مانفعوك المريكـان
جـاك العـرق وزوَد الغبـن غبنـا
هذا الفهد رجل المواقـف بليهـان
اللـي يشيـل حمولنـا لـو تعبنـا
إبن الزعيم اللي قطع راس عجلان
وعـز البـلاد وذل منهـو حربنـا
ويعيش عبدالله لنا طيـر حـوران
من هيبته جـض العـدو ماقربنـا
لاهان عبـدالله ولاهـان سلطـان
زحول الرجال اللي تفـرج إكربنـا
حنـا سعودييـن بالفعـل شجعـان
نصفي مع الصافي وسـمٍ غضبنـا
وحنا سعوديين لـو كـان ماكـان
بالمعركه نكسـب ولاأحـدٍ كسبنـا
وحنا الرجال أهل الوفاء سر وإعلان
وحنا الرجال اللـي عريـبٍ نسبنـا
وليا تلاقى الجمع فـي كـل ميـدان
نشب نار وروس الأعـداء حطبنـا
| 
|
07-31-2005, 08:08 PM
المواضيع المتشابهه
العرض الشجري