الأماكن

[فيصل المسعودي]

سالم الرويس

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

اليا امتلا جوف الشجر بالعصافير =

وذكر علي بعض الوجيه الاماكن

ما تلتفت عيني لطلع النواوير =

ولا حركت في ساكن القلب ساكن

لو هب في صدري هبوب ومعاصير =

اللي سكن في دامي الجرح ساكن

آقف والد العين حشمة وتقدير =

يمه وانا اللي سامح منه لاكن

تسوقني نفسي لشره المعاذير =

ماكن ساقتني على الموت ماكن

ويا صاحبي جرحي يبي منك تفسير =

للصده اللي في جميع الاماكن

ارجوك قبل يطيح دمعي محادير =

لا تقفل بوجهي وجيه المساكن

تعال هج الباب مثل المسايير =

ما دمت جرح داخل الجرح ماكن

وان كان ما ساقك لنا سايق الخير =

وبقيت جرح في جميع الاماكن

ارحل وهاجر سافر بعيد يا طير =

كودك تحرك داخل القلب ساكن [/poem]

[فواز الشيباني]

اخي فيصل المسعودي

مشكور على القصيده الرائعه

صح السانك والسان الشاعر السميري

[النـايــــــف]

اختيار رائع اخوي فيصل المسعودي


وبيض الله وجهك يا الغالي


تحياتي لك ،،،،

[راع المحاني]

المسعودي فيصل,

سلمت وسلم هذا النقل الجميل

----------------------

برايفت:

مارجع الايميل؟؟ اذا تبي مداوير ترانا فزاعين:)

الله يعقله ان شالله

سلام

[ابوسـعد]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ارحل وهاجر سافر بعيد يـا طيـر= كودك تحرك داخـل القلـب ساكـن[/poem]
رائعة والسفر فيه صحة ...صح لسان القائل والناقل وياهلاااااااابالاثنين

[محـمد]

صح لسانك اخوي
لاهنت

[اخو من طاع الله]

مشكور يا فيصل على النقله الرائعه

الله لا يهينك يا الغالي

[طويل الذراع]

صح لسانك ولسان الشاعر

والله يعطيك العافيه

تحياتي

[الجوووري2]

ويا صاحبي جرحي يبي منك تفسير
للصده اللـي فـي جميـع الاماكـن



ارجوك قبل يطيح دمعـي محاديـر
لا تقفل بوجهـي وجيـه المساكـن





الله،،،،،الله
الله




روووووعه
ابياااات غااااايه في الرووعه








تسلم يمناااك وربي يسعدك
وما ننحرم من مشاركاتك




تقبل تحياتي








الجوووري