الله انه يعين اللي منـاوب خميـس

[عزيز نفسه]

السلام عليكم ورحمة الله وبركاته


اعجبتني قلت خل الشباب يوسعون صدورهم بهذه القصيدة الفكاهية والتغيير زين.......
وهي للشاعر المبدع سعيد بن مقبل الأكلبي.....





الله انه يعين اللي منـاوب خميـس

البشر مستريحينٍ وهـو فـي قيـار

لايعيّن صحيـب ولايعيـن ونيـس

بس يِدرِج عيونه من جـدار لجـدار

العرب يفطرون وياكلـون التميـس

عقب فنجـال بـنٍ فايـحٍ بالبهـار

والمعنّى فطـوره شلفتيـنٍ يبيـس

سندوتش الطماط وسندوتش الخيار

مشتريها من اللي قد مرسها مريس

حط فيها الفلافل لين راحـت دمـار

حظه اقشر ومثله في الاوادم تعيس

مالقا من كفيله غير شـق الـزرار

يوم جابه وهو ماله سبوعٍ عريـس

بايعٍ كـل مايملـك ولا لـه خيـار

قال خمسة شهورٍ تشتغل ياخسيـس

لين تقضي دراهم فيزتك يا(....مار)

ثم تاخذ ثلاث شهور عندي حبيـس

لين ابيع التريله وانتهـي مالعَمـار

والسنين البواقـي تدّهـر فالتبيـس

بين مكه وجـده والبلـد والمطـار

هز راسه وقال(اسفيك بابه منيس)؟

واختلف لون وجهه في سواد وحَمَار

قال انا فيه مسلم وانت والله ابليس

والتفت صوب عودٍ طايـحٍ فالغبـار

واشتبك مع كفيله يوم حمي الوطيس

لين راحت فنايلهـم علـى كـل دار

منظرٍ مايشابه غير يـوم الخميـس

يوم انا فالمعسكـر والاوادم حـرار








وسلامتكم

[خالـد]

ههههههههههههههههه

تسلم عزيز نفسه حلوه مره وفعلا التغير زين



تحياتي لك

[فهد العايضي]

ههههههههههههه

الله يعينه ويعين كل محروم من الخميس

لاهنت ياعزيز نفسه

تحياتي لك

[اخو من طاع الله]

ههههههه
حلووووه اخووووي
تسلم يمينك

[عزيز نفسه]

خالد


تسلم على مرورك...

تحياتي

[عزيز نفسه]

فهد

اللهم امين..ولاهنت على مرورك


تحياتي لك

[عزيز نفسه]

عبدالله

لاهنت على مرورك....


تحياتي لك