اَااخر لغز ( محلول من ديم ) صح لسانها

[{ أبوفيصل }]

السلام عليكم ورحمة الله وبركاته

اليكم اَخر ماكتبه اَمل أن ينال اعجابكم
.

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياويش رجلٍ في متمّ القول رايع =مامثّلوْبه للملا فلمٍ درامي له وصفٍ امْحرّم ومن جملة ربايع =أصله حلالٍ لو يوصّف بالحرامي الثلاثه من عياله مع تبايع =يركنون ال كل وصفٍ فيه سامي متعدد الأوصاف وأنواع الروايع =روعة جماله يعتبر فأجمل كلامي [/poem] .

.

.

[همس النسيم]

وعليكم السلام ورحمة الله وبركاته
وصح لسانك وعلا شأنك
ولا هنت وجاري التفكير
بس لاتشتت أفكارنا من زينها مشتته خلقة
خلنا بواحد وبعدين نروح للثاني

[{ أبوفيصل }]

^
صح بدنكـ

خذوها وحده وحده والله يعينكم تحلونه

[عامر الروقي]

ابوفيصل
صح لسانك على نظم اللغز وبيض الله وجهك
وش رايك
الشعر

[{ أبوفيصل }]

المشاركة الأصلية كتبت بواسطة عامر الروقي ابوفيصل صح لسانك على نظم اللغز وبيض الله وجهك وش رايك الشعر

ابوناجي صح بدنك
الليله لك على الألغاز قابليّه ماشاء الله عليك

الشعر مالك لوا

:)

[عامر الروقي]

مساء الخير همس النسيم
لو تكرمتي ارمعي التفكير قفل يمكن الرمعه تصيب يمكن تفتح باب
لاهنتي

[{ أبوفيصل }]

أتوقع ماراح يحله غير ابن ثعلي أو أنت يابوناجي أو همس النسيم أو ديم

للعلم مع العلم للمعلوميه كلكم خطيرين

[ديم]

ممكن يكون البيت الحرام

[{ أبوفيصل }]

^

ماااالكـ لوا ياديم رمعه بعيده

[همس النسيم]

المشاركة الأصلية كتبت بواسطة عامر الروقي مساء الخير همس النسيم لو تكرمتي ارمعي التفكير قفل يمكن الرمعه تصيب يمكن تفتح باب لاهنتي

ههههههه
الله يسعدك
والله وأنا أختك حتى عندي التفكير مقفل عجزت
أدخل وأقرأ اللغز ولكن مافيه تفكير بالحل