لاضاق صدرك والليالي تحدت

[؛؛ابو ريناد؛؛]

ابيات روعة للشاعر الكبير ابن جدلان نشارككم بها فلعلها تجوز لكم



لاضاق صدرك والليالي تحدتك && اصبر عليها والصبر زين لو طال

لاتنحني للوقت وتروح هيبتك && وتموت بالحسرة ولو كنت رجال

واحذر تدور عند الأنذال حاجتك && لااتقضي الحاجة ولا تستر الحال

واحذر تبين لقرب الناس شدتك && لوتزعله لحظه حكت فيك لأجيال

وان صرت ضيف الناس لاتطول مدتك && غالي تجي وتروح ياطيب الفال

وإذا كان همك بالزمن بس لقمتك && الفول بريالين والخبز بريال


ابن جدلان

[الوسيم]

صح لسان ابن جدلان ولسانك لاهنت على النقل

[هماليل نجد]

صح لسان الشاعر وسلمت يمينك يابو ريناد

الله يعطيك العافيه على النقل الرائع

بارك الله فيك لاااااااهنت

[سمو القوافي]

شاعر كبير

[خالد الشفاقي]

صح لسان الشاعر سعد بن جدلان ( مدرسة الشعر )
وتسلم يمينك على النقل الرائع .. وتقبل مروري