جديد بناخي عتيبة ...... الدانة

[بناخي عتيبة]

[align=center][tabletext="width:70%;"][cell="filter:;"][align=center]الا يا وليفي وش بلا خاطرك ملهوف = ورا عينك الحلوة من الدمع غرقانة
فداك الحشا والروح يا ضامر السرجوف=فدتك العيون اللي من الشوق سهرانة
على شان بيتن لي كتبته ثلاث حروف = اودع به اشواقي على شط قيفانه
انا ما بغيت ابعد لكن الحياة ظروف = تقلب لياليها ما تثبت على خانة
تراك انت عندي يا الغلا يا نظير الشوف = عديل الخفوق ولا تجي مثلك انسانة
غيابك عذابي والثواني تقول سيوف = تمر اكثر من العام والنفس ولهانة
ليا غابت الدانة طريق الهوى معيوف = لو ان الشوارع بالغنادير مليانة
فلا غيرها حسنا ولا زيها معروف = ولا مثلها عندي ولا فالبحر دانة
ليا حل طاريها تصف الحروف وقوف = وافصل من الديباج لعيون فتانة
دعيت الغزل واثنى على قدها الموصوف = تحضر عفاريته ليا قام شيطانه
وهي كنها الساحر وانا كني المعطوف = ملكني دلل واستغفر الله سبحانه
عسى من يلوم اللي بها خاطره ملهوف = يعلق بحب اللي من الزين سلطانة
تصد بتغليها وهو حايرن ويطوف = سلب عقله الغدار بعيون نعسانة



بناخي عتيبة - شاهر المطيري[/align][/cell][/tabletext][/align]

[اصايل]

الله الله

قصيده فااااااااااااااااااااخره

صح لسانك مدد

لاهنت ..ي المطيري

[وجودك يكفي]

صح لسانك ياشاهر المطيري



احترامي

[الصهد]

غيابك عذابي والثواني تقول سيوف = تمر اكثر من العام والنفس ولهانة
ليا غابت الدانة طريق الهوى معيوف = لو ان الشوارع بالغنادير مليانة

صح لسانك يالبناخي وبيض الله وجهك رائعه دمت بخير

[الأدميرال]

صح السانك ياشاهر
القصيده رائعه
ويعطيك العافيه

[مهـرة مـطير]

"

صح لسانك ي بناخي عتيبه

أبدعت

[جهز الهرس]

صح لسانك يابناخي عتيبة على القصيده
الجميله وننتضر جديدك
ولك تحياتي

[عبدالله بن ذيب الدوسري]

صح لسانك واعتلا شانك

تحياتي لك

[بناخي عتيبة]

الإخوة جهز الهرس وعبد الله الدوسري وبقية الزملاء الكرام لكم الشكر الجزيل على آرائكم التي غمرتني سرورا ما يعطيني الدافع لقول ما يحلو لكم ما دام أن للسحر الحلال متذوقيه
سائلا الله أن يوفقني لإنشاد ما يرتقي لذوقكم الكريم

دمتم بود

[متعب سعود]

شكرااااالك
......................