هذور المجالس

[ليزر]

ألا يالهبوب الباردة عجَلي هبي=على جاش من قامت هواجيسه أتلوبه
أنا مرةٍ أصحى ومره يغيبي=وأسَرح معا كثر الطواري بغيبوبه
ألا يادهر ماهو بحقٍ تلاعبي=وخليتني لمقَرد الخلق لعبوبه
أعبادٍ مغفلها الزمان وتعجبي=يحسبون قل المال فالرجل عذروبه
وأنا قانعٍ باللي علي كاتبه ربي=ومومن بمقدوره وقانع بمكتوبه
ولا أبغى عما الاريا برايه يجربي=وهو ماعرف ماجوب ربي وماجوبه
هذور المجالس راعي المدح والسَبي=وهو بالخلا لو جاه بنتٍ خذت ثوبه
يقولون لي جز من تصرفك وتحَبي=وهي توبتي من مجتمعهم هي التوبه
ديار الوباء من طبها راح متوبَي=وقرَابة الجرباء على الحول مجروبه
أنا عارفٍ منصاي إلا من بدانبَي=وعارف طريقي والذي باتجه صوبه
وأنا أعرف من أعادي وأنا أعرف من أحبَي=وبه ناس لاتعرف ولاهي بمحبوبه

[الأدميرال]

صح السان الشاعر ابن جدلان
ولاهنت على النقل الرائع ياليزر

[ليزر]

الادميرال
الله يعطيك العافيه ربي يوفقك ويسعدك دنيا واخره

[وجودك يكفي]

صح لسان ابن جدلان ولاهنت ياليزر على الإختيار والطرح الجميل


ينقل الموضوع لقسم الشعر المنقول



احترامي

[عبدالعزيز الفرج]

صح لسان الجميل بن جدلان

ولاهنت على الايراد




سلمت يمينك

[ابوسـعد]

هلاااااوغلاااا باليزر ونقلا طيبا مباركا ...ونرجو مشاركتنا في الحملة على الرابط وياهلاوسهلا
http://www.otaiby.com/vb/showthread.php?t=48052

[اصايل]

الله على ابن جدلان

مبدع


صح ايرادك ليزر

لاهنت ..

[ليزر]

وجود ك يكفي
لاخلا ولاعدم ربي يوفقك

[ليزر]

عبدالعزيز
ارحب جعلك في الوجود لاهنت ربي يوفقك

[ليزر]

اصايل
اشكرك ربي يوفقك