شيخ المطاليق سلطان

[سلمان المالكي]

شيخ المطاليق سلطان

مـرحوم يا شــيـخ المطاليق سـلـطــان

مـرحـوم يا مـيـر(ن) يــمينــه فــردهــا

مـتعــوّدة بالــزود من غـيـر نــقـصـان

زادت عن الـهـقــوات زايـــد كــرمـهــا

مرحوم يبن الـعـود يا صقـر حـــوران

مرحوم ياللـي كل نـفـس(ن) حــشمهـا

أنشْهـد إنّــك من ســلايــل كــحــيــلان

عود(ن) على النعرات سيفها حسمهـا

أنـشْهَـد إنّــك من قــرانـيس شـيـهـان

عبدالعزيز الــعــود حـامــي حــرمهــا

الـصّبـر يابو متعـب الـيـوم ســلــوان

الـشّـعـب وافــي عـبرتـه قـد كـتـمهــا

والله يـصبّـر فيك نـايـف وســلـمــان

تبقــى سـعوديّــة يــرفــرف عـلـمهــا

هذي تعازي الشّعب والشّعب إنسـان

يامـن على عـرش المراجل حـكـمهـا

مـرحـوم يا سلطان يا تاج الإحـسـان

عـسـاك في الـجـنّـة تـهنّـى رغــدهــا

مرحوم يابـو خـالـد الـشّعـب حـيـران

ماتـت بَـعـد فرقـاك أمـانـي حـسبْـهــا

مرحوم يا سلطـان والـعـدل مــيــزان

ماتت بَـعـد مـوتـك مـعانــي وزنــهـــا

سلطان يا سلطان يـا عــز الأوطــان

هـذي نـهـايــة شـعْـبـنـا ما كــتـبـهـــا

مرحوم يا شـيـخ المطاليق سـلـطـان

مرحـوم يا مـيـر(ن) يمينـه فــردهـــا

....................

تحيّة عاطر وكريمة للجميع
شاعر الحرب

[شـوآق]

الله يرحم سلطان ويغفر له ويجعل مثواه الفردوس الاعلى




شاعر الحرب


صح لسانك ع هالابيات
ولاهنت



تحيتي وتقديري

[سلمان المالكي]

إررحب يا عزيزي شوآق مرحبا هيل يبن الأجواد

شرّفت ونوّرت .. وصح بدنك ولاهنت طال عمرك

أشكرُ مروركَ الكريم وخطوتك العزيزة .. لا خلا ولا عدم

تمنياتي لكَ بحياة كريمة وهانئة وسعيدة

تحيّة عاطرة وصادقة ,,

[عبدالله المرشدي]

صح لسانك ياشاعر الحرب

وعلى شانك

والله يرحم سلطان ويسكنه الجنه

آمين

[سلمان المالكي]

أهلاً وسهلاً بعزيزي الشاعر القدير عبدالله المرشدي مرحباً هيل

شرّفت ونوّرت طال عمرك

وأعتذر على التأخّر في الرد بارك الله فيك

وصح بدنك يا إبن الأجواد .. لا خلا ولا عدم

ونسألُ المولى أن يرحم سلطان الخير ويتغمدهُ بواسع رحمته

شاكرٌ مرورك الكريم والعزيز

تمنياتي لكَ بحياة سعيدة وأكثر

تحيّة طيبة ومباركة لشخصك القدير ,,

[رفق المجنا]

صح لسانك