الصبر ما مثله ،،، بالاجواد يقتات

[رايـــــه]

جرحين في قلبـي جـداد غميقـات
فـي كـل لحظـه بالعنـا ينزفنـي
تجددت معهـا الجـروح القديمـات
وتعاونـت كـل الجـروح وقونـي
الجرح الاول مـا لمثلـه مـداوات
والجرح الاخـر ضرنـي وامتحنـي
اصبحت في وضع غريب ومعانـات
اصبـر اوجـاعـي ولا يصبـرنـي
بين العرب قبل امس ضحك وسهالات
حتى لو ان هموم روحـي عصنـي
لكـن هالجرحيـن الاثنيـن بالـذات
تكفلـت بالـروح والجسـم مـنـي
اضحك والملم باقي الضحك بسكـات
لـو ان نظـرات البشـر يوجعنـي

والنـوم ثلثينـه زفيـر وتنـهـات
ازعجـت بالونـه جفـون غفـنـي
والصبر ما مثلـه بالاجـواد يقتـات
الله يقويـنـي واضيـفـه مـنـي
ضيفت شداد الباس غير الضيافـات
فيها الرضا والحلم مـن دون منـي
قول نثرتـه دون لاخــذ حسابـات
لعـل مافيـه المواجـع شكنـي ؟؟؟
ان كان تشكي خانت العهـد نـذلات
اول عهـد واخـر عهـد عاهدنـي



وسلامتكم ....،،،،

[اصايل]

صح لسانك


رائعه

[فهيد مقعد الرويس]

صح لسانك

يارايه

ابدعتي لاهنت

تحيتي وتقديري

[نايف تراحيب]

والنـوم ثلثينـه زفيـر وتنـهـات
ازعجـت بالونـه جفـون غفـنـي

والصبر ما مثلـه بالاجـواد يقتـات
الله يقويـنـي واضيـفـه مـنـي


الله الله يا رآيه


صح لسسآانك وربي لا هآنك

راقت لي


ودي واحترامي


/


،

[رايـــــه]

الله محيي الجميع كل باسمه..،،،
لاهنتوا على التواجد...،،

[جان دارك]

اضحك والملم باقي الضحك بسكـات
لـو ان نظـرات البشـر يوجعنـي

سلمت ودمت ولا هنت شاعرتنا على الطرح الرائع