طـعـنة غـدر

[بدر ناصر المورقي]

السلام عليكم اعضاء وزوار هذا الصرح الشامخ ومتواضعه راجيا لها القبول

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فايض بصدري قول من طافح الكيل=قول ايتدفق في صدور النشاما
الغدر لو يطلع من الشرق وايسيل=يصبح شروق الشمس منبع ظلاما
والغدر لو حل ابمحل هجعة الليل=عافت عيون الخلق طعم المناما
والغدر لو يمطر بدال المخاييل=امطر على روس الاوادم سهاما
والغدر لو يسقي ثمار المحاصيل=خلاّ ثمار الكون علقم عداما
والغدر لو ياخذ من الريح توكيل=عاثت رياحه بالمداين هداما
والغدر لو ربّى هل السيف والخيل=حوّل صناديد الزعامه حماما
والغدر لو للدِّين يلقى مداخيل=حلّل على المسلم لحوم اليتاما
لكن شرع الله منزّه عن الميل=خلاّ الغدر بين الخلايق حراما
وامّا على المغدور كنّه لهب ويل=لافيه برد ولا يحصّل سلاما
وان كان يالغادر صَعَب فِهْم ماقيل=اترك فِهِم ماقيل واخْذ الختاما
قطرة غدر تكْفي تعكّر حلا النيل=وتنهد من قطره سلاسل تهاما

[/poem]بدر ناصر المورقي

[ملاك الروقي]

[align=center] (( صـح لــســـآنـــكـ يــآ الـــمــورقــــــي ))[/align]

[النجم الأصيل]

صح لسان وبيض الله وجهك يالمورقي

كل التحايا لك

[نايف تراحيب]

[poem=font=",6,blue,bold,normal" bkcolor="transparent" bkimage="" border="none,4," type=3 line=0 align=center use=ex num="0,black""]
ابيات بدر المورقي ما هي ابيات = الا ذهب والمآس من نوع غآلي
[/poem]


صح لسسآنك مليون ولا يكفون يابدر
وانا اشهد وجودك هنا مكسب
لاهنت يالقرم

احترامي

/

،

[رشة قلم]

صح لسانك بدر
كل بيت أجمل من الأخر
دمت على الخير..

[أتعبني فراقك]

صح لساانك وتسلم يمينك

[بدر ناصر المورقي]

ملاك

صحة ابدانك ياملاك

تحياتي

[بدر ناصر المورقي]

العزيز زاحم العضياني

عسى وجهك ابيض دنيا واخره

صح بدنك ولاهنت

تحياتي

[ابن مسلم]

قطرة غدر تكْفي تعكّر حـلا النيـل
وتنهد من قطره سلاسـل تهامـا


صح لسانك

يالمرقي

دائماً مبدع

تقبل تقديري

[بدر ناصر المورقي]

النايف تراحيب

مشكور يازبن الامور الثقيلات
ومكسب مرورك ياكريم السبالي

عانقت باخلاقك عنان السماوات
وبالطبْع متْعلّي على كل عالي

حضورك اكرم من كبار البشارات
واطرائك اعذب من حقوق الخيالي

لاهنت يالامير وصح بدنك

تحياتي