رجيتك ياهنى روحن تمنـت شوفتـك ساعـه
ولا ذاقت بدرب العشق لامكسـب ولا مربـوح
انا قلبي على دربك شكى مـن لايعـن لاعـه
طبوعك ياهوى بالي طواريهـا تغـث الـروح
اخبر اللي يبي غاليه لاقـال اسقنـي طاعـه
وانا غادرتكم ضامي بقلبن ضايقـن مجـروح
رحلت بمركب احلامي تلوح الريـح بشراعـه
وموجات البحر تلطم على اللي يدخله ذابـوح
هزيم رعودها يرجف وبرقـه يركـز اشعاعـه
واذا ناظرت تبي سهيل ماهو بالنظـر ملمـوح
غطاه اللي غطى قومن خدعها زيـن مرباعـه
وتاليهم بقايا قوم ركبـوا فـي سفينـة نـوح
اشوح الشوف بعيونن تحاول شوف مطلاعـه
اراجي شوفة الشاطي او اريام الفـلاة سـروح
خفوقي ضاع بامواجه سبايب صاحبـن باعـه
ولايقدر يشوف الدرب لو برقه غدى له ضـوح
عقب ماكنت والغالي بروضـن فـاح نعناعـه
اشوف الموت يدعيني ولو شحت النواظر شوح
طرى لي وسط موجاته خدود الزيـن لاراعـه
شعاع البرق ذكرني بمبسم وجههـا المملـوح
عيون اللي ورى الصيده رماح الموت باصباعه
يشيل الموت باصباعه اليا لاح الحبارى لـوح
مراميع العـرب كلـه قصـارن دون مرماعـه
واذا شاف الحباري راح تلقى خربهن مسـدوح
عشيري من جميع البيض شال الزين بانواعـه
جفى قلب الحبيب اللي غرامه مايريد شـروح
الا يامنوة الخافـق وراس المـال واطماعـه
وسلوة عاشقن دمعه على خد العناء مسفـوح
انا جيت الطبيب وحط فوق الصـدر سماعـه
وجاب الفحص والناتج خفوقن بالغلا مشفـوح
وقال ان الظماير فات سبـع شهـور مرتاعـه
وصدره كاتمن نارن من الضيقه غدى له فـوح
تقول انه نهش حاله ذيـاب الجـال وسباعـه
او انه عاشقن غنجاء ولاكنه يخـاف البـوح
وقال ان الدواء رشفة ثنايـا خفرتـن ضاعـه
عنودن مثل عين الريم حطتكم على الجابـوح
وقلت اعلن خبر موتي على العالـم بمذياعـه
وقل موته سبب خشفن تروه بذبحنا مسمـوح
منقولة
| 
|
12-13-2009, 08:48 PM
العرض العادي
