اتهم الليل واثره من جروحي بري

[بناخي عتيبة]

[poem=font="arial,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اترقب مجيه والتفت واحــــــتري = واتقلب وكني فوق وهــــــــاج نار
بانتظار العنود الجادل الغشمري =مر ليلي ولا ادري وش يجــيب النهار
اتهم الليل واثره من جروحي بري = وامدح الصبح واثر الصبح شر ودمار
فيه حبس المدامع مر مثل الشـري =عن عيون العواذل مــــن يمين ويسار
لا هنالي منام ولا طعامي مــــري =حايرن ياوليفي بين نارن وغـــــار
يا عرب لي وليفن ظالمن مفتري = كل ما اطروه لي قلبي من الشوق طار
من خبر لي خفوقن خالين واشتري = واودع الهم واسلى واهتني بالقرار
ماحنى مهجتي منه وبرى خــــاطري =مثل ثني الحبال اللي عقدها كـــبار
غير غصنن ليان ابو عويدن طــري =وانه اليوم مني في بعيــــد الديار[/poem]

[ناصر بن سعدي]

الشاعر الرائع

بناخي عتيبة

صح لسانك والله يكون في عونك ..

وكلٍ يغني على ليلاه ..ويدور له قلبٍ خالي من الهموم ,,

وبإنتظار المزيد والمزيد ,,

[اصايل]

من خبر لـي خفوقـن خاليـن واشتـري
واودع الهـم واسلـى واهتنـي بالـقـرار



الله



صح لسانك


لاهنت

[شيخ الشيوخـ]

رائعة رائعة رائعة

[فهيد مقعد الرويس]

صح لسانك

يالبناخي

تحيتي وتقديري

[بناخي عتيبة]

الأخوة الزملاء :
شيخ الشيوخ
فهيد الرويس
اصايل
ناصر بن سعد
يسرني تواجدكم في متصفحي المتواضع واعدكم بكل ما هو عذب وجميل
لا تحرمونا من نقدكم وآرائكم

[الجـآدل]

صح السانك يالبناخي

ولاهنت على الأبداااع

تحيتي لك

الجـــآدل

[نادر النمر]

يـا عـرب لـي وليفـن ظالـمـن مفـتـري
كل ما اطروه لي قلبي من الشوق طار

يالبنآخي المفتري أتركه عنك ولا لك فيه لزوووم .. بتلقى غيره طيب وحنون .. : )

صح لسانك .. وتقبل كل التقدير كله .

,,

[بناخي عتيبة]

ماش يا النمر القلب الماخوذ ما ييبي غير هالمفتري
مروك اخوي زادني تشريفا وباقي الزملاء ما يهونون
ولكم مني التحية وحياكم .

[ضيف الله السميري]

بناخي عتبيه


اتهـم الليـل واثـره مـن جروحـي بـري
وامدح الصبح واثر الصبح شر ودمار


صح لسانك واعتلا شانك

لاهنت يالقرم