ســـد مـــأرب

[وجودك يكفي]

لا متى وقلوبنا من طيبها مغتره
بالمظاهر والطبوع الخدع الغراره


لامتى نجرح يدينا لجل عين الجره
نحتميها لا تكسر والدمي فواره


قال الأول بالمثل لك من سلاحك جره
ومن رفيقك مره وتعرف جميع اسراره


لو نوايا الملتوي تكتب بوسط الطره
شفته يسير ويده فوق الجبين أستاره


الردي ماعورته من ركبته لسره
عورة)ن(كله من أعلى الناصيه لظفاره


أنص حر)ن(لآ نخيته جاء لعينك قره
وانتبه تنصى جحآ فيذلك بمسماره


وإن حداك الله وجاء المسمار عندك مره
لا تحمل منته لو تقلعه بجداره


لا تدور بالمسايل والمناقع دره
غص لها جوف البحور الهييج الهداره


واحذر اللي تبتسم وكبودها محتره
بندق الأضغان مشحونه وراسك شاره


لا تحيقر خصمك القاصر وتامن شره
أكبر سدود اليمن ماهده إلآ فاره


الشاعر/عبدالله بن معجب الشهراني

[الجآآرح]

صح لسان الشاعر ولسانك ياولد ثابت


طرح راااائع

لاهنت

[وجودك يكفي]

صح بدنك ولآهنت يالجآآرح على المرور واسعدني تواجدك يالغالي

[حورية نجد]

صح لسان الشاعر...عبد الله
وسلم من نقله لنا......
تحياتي وجودك ......يكفي

[وجودك يكفي]

لآ هنتي ياحورية نجد على المرور العذب واسعدني وجودك