خســــــران

[سلطان بن محسن]

[poem=font="simplified arabic,5,white,bold,normal" bkcolor="transparent" bkimage="backgrounds/37.gif" border="groove,4,gray" type=2 line=1 align=center use=ex num="0,black""]
سواح وإلا ياهوى البال مرتاح=أنا إن بغيت الصدق مانيب طيب
في غيبتك برق الحزن للفرح لاح=وأمطر علي الهم واليآس صيب
أسري مع النجم المسمى إلى طاح=ثوب النهار اللي عليه إمتطيب
أطلب وصل لكن من نجوم وأشباح=وأرجي وأعود ياهوى البال خيب
أبعدت عني عقب سجات وأفراح=واليوم أحس الحزن مني قريب
كويتني بالصد من دون مرباح=خسران دامك بعت مثلي حبيب
لو كنت تعرف قيمة الوقت لا راح=ماراحت وعودك كلام وتغيب
ولو كان كحلك من وبل دمعتك ساح=عرفت بإن الدمع حزن ويهيب
تفضحني الدمعه إذا صرت مع صاح=ويقول سيب هاجس الحب سيب
مايدري إن الحب يربط له أرواح=ومن سبته راسي وأنا إصغير شيب[/poem]

[النجم الأصيل]

ابن محسن

صح لسانك

وجهك ابيض لا هنت

[ميااااح]

مبدع ياسلطان

صح لساااااااااااااااانك

[البارع]

الله واكبر عليــــكـــ يا سلطااان ... نص فاخر وقافيه كايفه ...

مايدري ان الحب يربط له ارواح
ومن سبته راسي واناصغير شيب

والله انكــ صاااادق ... واناهنااا لتجديد الاعجاب

[عبدالله المرشدي]

سلطان محسن

صح لسانك

قصيده رااائعه جدا

لاهنت سبك وحبك ومعنى
تحيتي لك

[سلطان بن محسن]

النجم الاصيل صح بدنك وشكرا على مرورك

[سلطان بن محسن]

الاخ مياح صح بدنك وشكرا لتواجدك العطر

[سلطان بن محسن]

اخوي الشاعر المبدع البارع صح بدنك وشرفتني بمرورك وإعجابك

لاهنت

[سلطان بن محسن]

اخوي الشاعر الكبير عبدالله المرشدي صح بدنك

ومشكور على مرورك الكريم

[ناصر بن سعدي]

شاعرنا الجميل ..

سلطان بن محسن ..


صح لسانك..

ونص جميل ..والله يكون في عونك يالهواوي ..


مايدري إن الحب يربط لـه أرواح
ومن سبته راسي وأنا إصغير شيب


وتقبل إعجابي ..