الهموم اصحابــــــــي

[حنين الروح]

بسم الله الرحمن الرحيم



السلام عليكم ورحمه الله وبركاته





يا مشعل الياس صار اقرب من اهدابـي
000 و اشوفه احيان واقف لي على بابي

و الله لو ان الهموم اصحاب يا مشعل
000 كان اكثر اصحاب بالدنيا هم .. اصحابي

من زود صدمات عمري صرت ما أشرهـْ
000 اضيق .. و ارضى .. و لحد ٍ يسمع عتابي

يا مشعل الناس تنسى .. و الالــم يـوفي
000 والطيب جمر ٍ ضويته و احرق اعصابي

ماني ضعيف اشتكي من هيــّـن الضيقه
000 عز الله اني صبـور و ربي .. ادرا بي

الصبر بيــر ٍ رواني .. لين يبــّـسـته
000 يا كم ّ اجي له و انوّخ عنده إركابي

00

يا مشعل ان مــت ّ ..؟ غيري مات .. لكنـّـي ..
000 اخاف محد ٍ يحس ّ إن (مت) ّ .. بغيابي



و انا .. و رب الأنـــا ماقصــّـر بفزعـه
000 و ان زلــّـوا اصحاب ..!! .. قلت : اصحابي اصحابي

و ان ماظهر خير منـّـي .. ما ظهر شرّي
000 و اتعب و لاقول للعالم .. وش اتعابي

من صغري الصمت .. يطربني .. و اغنـّـي به
000 شف عاد صمت الطفوله ويش سوّا بي

كبرت وشفت الهموم تزيد .. مع كبري
000 و عرفت .. سر الحزن .. بعيون شيــّـابي

يا مشعل ان مــت ّ و الا صابني صايب
000 ابيك تاقف .. و تجمع حولك (احبابي)

اسألهم ان كنت ماستاهل .. محبتهم
000او اني قد خنت هقوة .. من تهقوا بي

و اتعرف ليه ان لفيتك .. ساكت و سارح
000 اني مجــرّد .. هموم ٍ .. تلبس ثيابي

حتى القصيد ان بديته .. قمت اهيجن به
000 و اليا انتهيت .. اشطبه .. و اكذّب اعجابي

و اقول ما للقصيد الا يذكــّـرني ..
000 .. بالهم ّ .. و الهمّ خله داخل كتابي

يا مشعل الوقت .. طفل ٍ يكسر الخاطر
000 خلــّـك على ضحكته .. أقسى من أعرابـي

يا مشعل ان مت ّ .. شف كم .. ( هم ّ ) فاقدني
000 هو فيه غير .. الهمـووم .. يحس ّ بغيــابي ..!!!؟؟





الشاعر / محمد بن غنّام الشمري

[صقـر عتيبـة]

حنين الرووح

جميل طرحك وذوقك الرفيع وصح السان كااااتبها وننتظر جديدك

تقبلي تحيااااااااااتي

صقر عتيبة

[بنت الهيــــلا]

قصيدة في قمة الروعة تدل على ذائقة راقية

لاهنتي أختي..

[البّدر]

[align=center]
ماني ضعيف اشتكي من هيــّـن الضيقه
000 عز الله اني صبـور و ربي .. ادرا بي

بيت ولااروع ..
قصيدة اعجبتني ..
ذوقك مميز ياحنيًن ..
مشكورة على نقلك القصيدة الجميلة ..

[/align]

[حنين الروح]

صقر عتيبة

الاجمل مرورك العذب اخوي

لااهنت

[حنين الروح]

قصيدة في قمة الروعة تدل على ذائقة راقية لاهنتي أختي..

بنت الهيلاا

اسعدني توااجدك العذب

لاعدمت هيك طله

[حنين الروح]

ماني ضعيف اشتكي من هيــّـن الضيقه 000 عز الله اني صبـور و ربي .. ادرا بي بيت ولااروع .. قصيدة اعجبتني .. ذوقك مميز ياحنيًن .. مشكورة على نقلك القصيدة الجميلة ..

التميز في توااجدك

سمو العتيبي :)

كل الشكر لك