جبت العذاريب لـ " عتيبة "

[نايف تراحيب]

[align=center]قصيده للشاعر ناصر تراحيب العتيبي

هديه لوالده الشاعر تراحيب بن سويلم العتيبي




ياكاسب الطيب يا " تراحيب "
جبت العذاريب لـعتيبه

والنعم ياللي كسبت الطيب
فعلك " عتيبه " تماريبه

ياللي خويك بعد ما صيب
حققت كامل مطاليبه

ونال الشهاده من التدريب
وشارك بخدمة معازيبه

تستاهل المدح والترحيب
يا كاملٍ في مواجيبه

أحدٍ لربعه يجيب العيب
وأحدٍ كسب نعم ويجيبه

ومن لا كسب نعم قبل الشيب
يمكن يفوته وهو شيبه

واللي مايقدر فعول الطيب
تكرم وتكفيه والخيبه






معلومه إضافيه:

العذاريب التي أتا بها الشاعر تراحيب بن سويلم هي عدة ابيات قالها له الشاعر فلاح بن شامان الشمري ومنها

لقيت بالعتبان خمسة عذاريب
الطيب والنخوه وتقدير الأجناب

ودون الخوي ياطون حر اللواهيب
وان حدة الدنيا يفكون الأنشاب[/align]

[ناصر بن سعدي]

إخــوي الغالي


نايف العتيبي ..

لاهنت والله على هذا النقل المميــز ..


والشاعر الكبير والخال الغالي

تراحيب بن سويلم مفخــره لـ عتيبه ..

عسى عمره طويل ..


وصح لسان الشاعر الرائع ناصر تراحيب ..

وسلمت على النقل المميز ..



وتقبل خالص تحياتي ..

[إشراقات]

[align=center]بيض الله وجه .. وسلمت على نقل القصيده ..[/align]

[صاحبة السموـو]

مشكــــــووور والله قصيـــــدهـ روووعه^^

[نايف تراحيب]

[align=center]ابن سعدي


الله لا يهينك على مروورك الرااقي

ويستاهل والله والدنا ابو ناصرهذا الاطراء الجميل

والله يمد في عمره ويبيض وجهه

والله يعافي ابو وليد على هذه القصيده

لك مني خالص الود

نايف العتيبي[/align]

[نايف تراحيب]

[align=center]اشراقات


و


شموخ الرووقه


تشرفت بمروورك العطر

لكم مني خالص الشكر

دمتم بخير


نايف العتيبي[/align]

[نايف تراحيب]

شكراً ناصر


ويستاهل ابو ناصر


:)

[بنت شمرالطنايا]

ونعم والله بعتيبه

يعطيك العافيه

اختك بنت شمر الطنايا

[ملكة الأحساس]

بيض الله وجه ناصر

والله يعطي ابو ناصر طول العمر

سلمت يمناك نايف

[مآتبآدلنآ آلعطآ]

أحدٍ لربعه يجيب العيب
وأحدٍ كسب نعم ويجيبه

ومن لا كسب نعم قبل الشيب
يمكن يفوته وهو شيبه

صح لسـآن نـآآصـــر والله يطول بعمره وعمر ابـووه ..

لاهنت يـآشـآعرنـآ ع هالنقل الطيب ,,,