الهنوف الي سرت من نجد وامست في الحويه

[أْروى]

الهنوف للشاعر الرائع ضيدان

احبها كثير وقلت ياليت نسترجعها
الهنوف اللي سرت من نجد وامست في الحوية
ضيقت صدر الرياض وسافر الطائف وجاها
وانثنى غيم الحجاز لخد نجد النرجسية
يوم جاته من زعلها كنها تقصر خطاها
زعلوها وارحلت واخلت قصورالخالدية
والحقتني شرهة الزعلان واخطاني رضاها
سافرت والله ماخبر اللي يزعلها عليّه
واستباحت لله الخيرة سهر عيني وماها
ليتها يوم إستباحت دمعة العين الشقية
ماستباحت دم قلبي من خلاها في خلاها
سامح الله ظلمها وطعونها الخضر النديه
والله يسامح خناجرها ويعفو عن خطاها
عرضتني للهبايب والضماء والمهمهيه
وتركتني للزعل والشوق والكبر وغلاها
والغلا ماهو في يديها ولاهو في يديه
الغلا شي من الله واشهد ان الله عطاها
من غلاها لو توردني على حوض المنيه
كنها تسقيني الشهدالمصفا من شفاها
ومن حلاها ماتوصفها الحروف الابجديه
كيف توصف وردةٍ يبري من العله شذاها
الورود تغار منها مزهرية مزهرية
وان تباهت عذرها معها يحق لها تباها
مايشابهها شبيه ولا يحاليها حليه
جل ربٍ يوم صورها فرقها عن سواها
ل أقبلت هيجنت وان اقفت جذبت السامرية
واعذابي ان عطتني وجهها ولا قفاها
ان بدالي وجهها يسعد صباح اليوسفيه
وان غشتني نفحتٍ من ليلها يسعد مساها
درةٍ بالموت محروسة وبالبحر محمية
البحر من دونها والموت الاحمر من وراها
دونها ماغليت واسمحلي والاشداد المطيه
مرخصٍ بالقاع عمري والثريا في سماها
لايمي يبلى بحب الحضر في عيون بدوية
في ظروف مايقارن مستواه بمستواها
الله اقوى يافقير القلب ابو نفس غنيه
مالك الا الصبروالجنه لقاها من لقاها
والهوى اللي يطرح الرجال بيدين اجنبيه
علّةٍ بالجوف لاتبرى ولا يلقى دواها
والهنوف اللي نرد الثارتاخذها الحميه
شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطيه
كثرماتشتاق لأعماقي وانا اشتاق إلّ دفاها
كل ماعرّقت بميسمها تحريت الخويه
وألحقت ب الميسم بميسم كذا على عماها
عاقبتني كل يوم تلحق الكيه بكيه
واتعبتني وادركتني والحقت نفسي مداها
وإن تمادت جهزوا قبري وانا بكتب وصيه
ابكتب الله لايعاقبها ويرضى لي علاها
الاعمار تلفها الايام والدنيا مديه
والسنين تلفني والنار تحرق من وطاها
علموها تلحق الباقي مدام الشمس حيه
والتغانم مابقى مني وماتطلب فْداها
لاتمادى في جفاها والرياح الموسميه
ماتقدر وقفة الاشجار وتثمن عطاها
وعلموها مابقى لي غير ادن الهاشميه
كان ترضاها علي ولاّتهون من جفاها
وانصحوها لاتحمل نفسها نفسٍ بريئه
وذكروها بالقبر لعلها والاّ عساها
وعلموها علموها لاتطول في الحويه
ديرةٍ ماهي بديرتها لواعجبها هواها

[عساف 1]

اروى شكرا على الطرح الرائع

[أْروى]

هلا فيك

اخوي عساف

اشكر مرورك

[رحيل الشوق]

سافرت والله ماخبر اللي يزعلها عليّه
واستباحت لله الخيرة سهر عيني وماها

قصيده رائعه
لكٍ كل الشكر سيدتي ,,

[شيطونه]

يعطيتس العافيه اروى قصيده جونااان والله

نقل رائع لاهنتي

تحياتي




شط شط

[عاشق الحور]

[align=center]يعطيك العافيه آروى حركتي مشاعرنا بها الابيات الجميله الرائعه سلمت يداك يالغاليه
تحياتي لك [/align]

[الدويــــش]

شكرا على طرح القصيدة الرائع
من شخصكم الاروع
وتقبلي مروري

[أْروى]

هلا فيك عزيزتي رحيل

الاروع مرورك عليها

[أْروى]

يعافيك ياسكره

مستانسه بمرورك

[أْروى]

يعافيك ويسلمك عاشق


اشكر مرورك وتقديرك


وهلا فيك