رد البرى

[ضيف الله السميري]

قصيده لها وقعها الخاص اتمنى ان تنال استحسانكم



[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]





وقفت فالموقف المعروف بين الرجال=يوم ان بعض العرب عن وقفتي مادرى
وارخيت متني وشلت به الحمول الثقال=وارقيتها رغم ضيق الوقت طلعة كرى
لو جيت في سوق الاسهم ما معي راس مال=تقدر تقول ابعد عن البيع والمشترى
لكن طموحي كبير وراس مالي جلال =تغيض منه اغنيا واتعيش منه افقرى
من ماضي الوقت قبل اشوف برق الخيال=قدام لا يطري اللي في ضميري طرى
انحت قصيدي جزاله فوق صخر الجبال=واطرب بشعري مذاق اللي لشعري قرى
وان عود العلم بين اقبل وروح وتعال=كم ليلة" هاجس الافكار فيها سرى
ياصاحبي شلت حملي لكن الحظ مال=ما هوب شي" تعمدته ولا هو زرى
شي" كتبه الولي وانا على كل حال=راضي وعيني يداعبها لذيذ الكرى
رقيت روس الطوال وطلت مالا يطال=وانا على القافله قدام ماني ورى
آرد على العد واشرب من قراح الزلال=واعرف مقاصيد بعض الناس واسمع وارى
وانا على قولة اهل العرف يابن الحلال=اذري اللي طواه البرد يبغى الذرى
دارت رحى عاشق الكايد وطال الجدال=وان قاله الله يبا ياتيك رد البرى[/poem]

[إبن ثعلي]

صح السانك ياضيف الله ولاهنت قصيدة رائعه لايعلى عليها
وتحياتي لك

[كان موجود]

[align=center]صح لسانك صح لساااااااااااااانك صح لسااااااااااااانك ومنطوقك ,,
ابداع لا مثيل له ,,
سجل اعجابي بما قدمت من درر ,,
تحيتي وتقديري ..[/align]

[ضيف الله السميري]

بن ثعلي




صح بدنك


اشكرك على مرورك



تحياتي لك

[ضيف الله السميري]

ماهر النمر



صح بدنك


اشكرك على اطلاعك


تقبل تحياتي

[قوت القلوب]

صح لسانك قصيده
في منتهى الجزاله
تحاااتي

[فهيد مقعد الرويس]

[align=center]الله الله

وان قال الله يباياتيك ردالبرى

صح السانك ياضيف الله السميري

ننتظر من ابداعك المزيد لاهنت

تقبل اطيب تحيه[/align]

[ضيف الله السميري]

قوت القلوب



اشكرك على مرورك واطلاعك

لاهنتي



تحياتي لك

[ضيف الله السميري]

فهيد الرويس


صح بدنك


لاهنت يالغالي


اشكرك


تحياتي لك

[ناصر بن سعدي]

شاعرنا الرائع ..


ضيف الله السميري ..


صــح لسانك..


نص جميـل وفي منتهى السبك والحبك والجمال ..



لافض فوك .

وتقبل خالص تحياتي ..