دفــــــــا المشـــــــــــــــاعر

[بدر ناصر المورقي]

[align=center]السلام عليكم اعضاء وزوار هذا الصرح النايف متواضعه راجيا لها القبول واعتذر عن الغياب الغير مبرر لكن محلكم العين والقلب[/align]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جفّت عروق الشوق ترجي رجوعك=عامين من ثوب الفرح مالبسته
ونشّفت ريق العيد يرقب طلوعك=حولين واهلال اللقا مالتمسته
دفا المشاعر ليتها في ضلوعك= وياليت قلبي في دفاها غمسته
يرفع مقامك للثريا خضوعك=للي على جمر المفارق حمسته
بدد ظلام الهجر واضوي شموعك=واطلق سراح اوصال جِرْت وحبسته
واترك مزون الوصل تسقي ربوعك=وتروي ظما قلبٍ هجرت ولبسته
قلبٍ هلك ياما ظماك ويجوعك=ونور الهنا باقصى صميمه طمسته
عاشق رهن نبضه تَحَتْ أَمْر طوعك=وياليت من نار المباعد حرسته
عليه تحشد للقطاعه جموعك=وهجمت بانياب الجفا وافترسته
لوّعة مغرم مايفكر يلوعك=ومر الجفا معْ صافي الود حسته
ياشينها اطباعك وياشين نوعك=اعلنت نكرانك وحقه بخسته
مالان عزمي من قساوة طبوعك=وان حاول العاذل يوسوس خرسته
واتقول برجع لك إذا بست كوعك=تظن بذر المستحيله غرسته
من كثر انا مااغليك وارجي رجوعك=كسرت انا كوعي عشانك وبسته[/poem][align=center]بدر ناصر المورقي[/align]

[سلمان النفيعي]

بــدرِ ،؛ يشرِفني اني اوِل من يلآمس بآهرِتكـ

/


لي رجوِع

[البارع]

ماشاااااااا الله يابدر المورقي صح لسانك قصيده ...عاطفيه من الدرجه الاولى....

تقبل اعجابي ومروري.....احوك..

[فواز علي الروقي]

صح لساااااااانك لاهنت
تقبل تحياتي

[بدر ناصر المورقي]

سلمان النفيعي

هلا بك وهلا بحضورك الطيب

في انتظارك

تحياتي

[إبن ثعلي]

صح السانك يااخ بدر ولاهنت قصيدة رائعه
تحياتي لك

[مراسلكم]

الغالي والقدير


بدر ناصر المورقي

سؤال ؟

وش بقي من الإبداع ماجبته


لله درك يارائع


ياشينها اطباعك وياشيـن نوعـك
اعلنـت نكرانـك وحقـه بخستـه
مالان عزمي من قسـاوة طبوعـك
وان حاول العاذل يوسوس خرستـه
واتقول برجع لك إذا بست كوعـك
تظـن بـذر المستحيلـه غرستـه
من كثر انا مااغليك وارجي رجوعك
كسرت انا كوعي عشانـك وبستـه


سجلني من جمهورك

[فهيد مقعد الرويس]

[align=center]كسرت انا كوعي عشانك وبسته

الله الله

لم تسبق عليها يابدر

صح السانك

مددبللللاعدد

تقبل اطيب تحيه[/align]

[بدر ناصر المورقي]

مرحبا يالبارع مرحبا

مرورك واطرائك وسام على الصدر فما بالك اعجابك

صحيت كلك لاعدمتك

تحياتي

[عربو]

[align=center]اخوي بدر : انا انسان ماافهم بالشعر بس هالابيات وانا اقرها حسيت انها قريبه من قلبي واستمتعت بقرائتها كثير
اشكرك على هالابيات الطيبه ياطيب .[/align]