بضم صدرك لين تصبح على خير

[بنت الهواجر]

افتح شبابيك الهوى جيتك اليوم == بحساس من زود الوله عده ايطير

جيتك مثل طفلن له ايام محروم==== عن حضن امه بعدته المقادير

وجيتك مثل عودن له ايام مهموم==== وده يلاقي باخر الوقت تقدير

وجيتك حضن عاشق وهايم ومغروم== وده يضمك لين تصبح على خير

متى تحس ان الهوى شي مقسوم=== من قسمة الخالق على خلقه يصير

ومتى تحس اني لك اطيح واقوم==== واتعب على شانك واقدرك وآغير

لي في هواك احلام وامال وعلوم=== واحزاب واصحاب وقصيد وجماهير

وهموم وافكار وهواجيس وحلوم ==== وادروب واخطار وعذاب ومشاوير

وحب وغلا واخلاص ومعاند ولوم ==== واحساس واللهام وشعور وتفاكير

وصحبة سهر ومقاطعة لذة النوم====== واشواق جياشه وعشق وتعابير

في ذمتك مابان لك شي مكتوم ===== من بعد ماصورت الاوضاع تصوير

لاتحسب انك شي عابر ومعدوم ======= وتاريخ حبك فاق كل الاساطير

كني لقيتك بأغنيه لأم كلثوم ===== وكني قريتك في رواية شكسبير

في كل شي اتخيلك واسمعك دوم==== واتأملك في الوقت الأول ولآخير

من ماضي الأيام لايومك اليوم ==== وغلاك عندي ماحصل فيه تغيير

وانا لك الله مأقبل البيع والسوم ==== ولا ارضى علي ولاعليك المخاسير

لاْني الوحيد اللي على بحرك يعوم ==== واللي عرف مرساه في رحلة السير

لحظه حبيبي قبل يسبقني النوم ==== بضم صدرك لين تصبح على خير

[ابوبتـــال]

[align=center]بنت الهواجر/ مشكوره علا هالقصيده الساحره
ياالله صباح خير ويش ها القصيده طيرت عني النوم[/align]

[بنت الهواجر]

العفو ابو بتال
عسى بس ما ازعجناك
والسموحه
تحياتي لك

[عــمـــر]

[align=center]يعطيج الف عافيه على هالرائعه

تسلمين على هالقصيده الجميله

ولاهنتي عليهااا

بس ,, ماذكرتي اسم الشاعر ..؟


تحياتي[/align]

[بنت الهواجر]

الله يعافيك اخوي عمر
والله انشالله بشوف منو الشاعر ابشر طال عمرك
تحياتي لك

[محمد العتيبي]

بنت الهواجر

يعكيك العافيه على النقل وحسن الاختيار

تحياتي

[البّدر]

[align=center]
مشكوره بنت الهواجر على القصيد الجزل[/align]