لقـيـت مـن كـحـل طـرفـها عـماهـا

[محمد العتيبي]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الـحـظ مـفـتـاح الـدروب المغـالـيـق=او قـفــل بـيـبـان الـلـيـال وخـطـاهــا
مــن ليـلـة الحـمـى لـقـتـك المعـالـيـق=فـي ثلجها فـي جمـرهـا فـي لظـاهـا
واسـكـرك ياهـم ورا الـحـدب وتفـيـق=كـل الـطـعـون المـرمـسات وعـناهـا
ومنـيـن أبـبـدا يــا جـداد الـطـواريـق=وانـتـي مـواريـف الـجـروح وذراهـا
مـن ضيعـة السـجـة ومــر المـذاويـق=ولا مـن عـيـونـي سـهـرهـا وماهــا
بعض العلوم يجف مـن دونها الريـق=وبعـض العلوم يـجـف ريـقـي وراها
كحلـت عينـي مـن وجـيـه المخالـيـق=للسـاعـة الـلـي ينثـنـي مــن عصاها
ويومي زبنت العين في موقف الضيق=لقـيـت مـن كـحـل طـرفـها عـماهـا
بعـض اللحى عـز بـوجه المطالـيق=وبعـض الوجيه اكبر خـزاها لحاها
تــغـرك ازوال الـرجال الـمطـافـيـق=لــو انهـا ماتخـتـلـف عـن نـسـاهـا
هـزايـل تلهـث ورا الهـرج وتضـيـق=مـن قـبـل تخـلـق والـزمان أيهجاهـا
الــلــى لــيـا حـمـلـتـهـا بـالـمـواثـيـق=تضعضـعـت يـسـبـق ميـلها رغاها
ويالـيـل وان مـريـت راع العـشـاريـق=غــب الـهـمـوم الـلـي تـزايـد بلاهــا
قلـه طـروش القـلـب جـمع وتفـاريـق=ذود وطـى قـفـر الـضلـوع ورعاهــا
ومابيـن مزمـوم الـورق والشواهـيـق=ضـيـع دروبـــه وان نـزلـهـا رقاهـا[/poem]
[align=center]الشاعر / خالد العتيبي[/align]

[بنت* عتيبة]

[frame="7 70"]شاعرنا العزيز ومشرفنا الغالي محمد العتيبي
يسعدك ربي يا الطيب على ها االدرر العذبة
فو الله ان فيها من الحكم والامثلة الشئ الكثير

بعض اللحى عز بوجـه المطاليـق
وبعض الوجيه اكبر خزاهـا لحاهـا[/frame]

[محمد العتيبي]

[align=center]الكاتبه القديره بنت عتيبه
مرور وتعليق رائع ولاهنتي
تحياتي لك[/align]

[بدر الروقي]

صح السانك والسان الشاعر خالد العتيبي

وبيض الله وجهك على النقل المميز


بعض اللحى عز بوجـه المطاليـق وبعض الوجيه اكبر خزاهـا لحاهـا


تحياتي ...!!

[إبن ثعلي]

مشكور اخوي محمد على اختيار هذه القصيدة الرائعه وصح السان شاعرها
تحياتي

[محمد العتيبي]

بدر الروقي

صح بدنك ووجهك ابيض ولاهنت يالغالي

تحياتي

[محمد العتيبي]

العفو ابن ثعلي

ولاهنت على مرورك ..

تحياتي

[مستر عتيبي]

صح لسانك اخوي محمد العتيبي
وصح لسان الشاعر خالد العتيبي
و الله يعطيك العافيه

[غازي المسعودي]

يعطيك العـــافيه على النقل يا محمد العتيبي


وصح لســـان شاعرهـــا

قله طروش القلب جمـع وتفاريـق ذود وطى قفـر الضلـوع ورعاهـا
والله الرجال هذا فيه من الأبداع وفيه من الجزاله في ابياته

[حنين الماضي]

تغـرك ازوال الرجـال المطافـيـق
لو انهـا ماتختلـف عـن نساهـا

هزايل تلهـث ورا الهـرج وتضيـق
من قبل تخلـق والزمـان أيهجاهـا


القدير محمد العتيبي

سلمت على حسن ذائقتك

وصح الله لسان شاعرها

لله درك إختيار موفق كما عودتنا

تقبل من أختك أرق التحايا