يسألوني عن جديدي

[حنين الماضي]

[align=center]
عندما تشاهد أحد قصائد الشعراء مسروقه ومعدله
تستأ لهذا الشئ وعندما ترى قصيدتك أنت تنشر بعد التعديل تجن
وتأتي لك حاله من الإحباط وعزوف عن الشعر
وأتت هذه المتواضعه
أقبلوها بما
إعتراها
من خلل
*******
يسألوني
عن
جديدي
ليـه
غايـب[/align]
[poem=font="Simplified Arabic,6,black,bold,normal" bkcolor="transparent" bkimage="../backgrounds/19.gif" border="none,4,gray" type=2 line=0 align=center use=ex num="0,black"]
يسألوني عن جديدي ليـه غايـب=وين جزل القـاف لامنـي بديتـه
عن بيوت الشعر ليه الصمت نايب=وش كسبت من السكوت وش جنيته
ما حسبتـي للحضـور وللحبايـب=ليه ما قلتـي لنـا يومـك نويتـه
خاطري يا أحمد عن المكسور طايب=بنهي المشوار يـوم إنـي بديتـه
عن كلاماً بالقفـا مثـل الهبايـب=هب سافيهم علـى قصـراً بنيتـه
والمعاني كايده والعـرف صايـب=والـذراع اللـي تعـزه مالويتـه
حلت دونه مانبـي دونـه طلايـب=زرعك اللي فـي يدينـك ماكليتـه
قافنا عقب الشباب يصيـر شايـب=مكتسيه الشيب يـوم إنـي نخيتـه
عيّبه شيبه وصار المـال سايـب=مانفـع قولـت ياليتـه ثـم ليتـه
من يقص القاف ملعون الصلايـب=ما حسب لحساب منهو قص بيتـه
رز راسه مادرى انـه دوم خايـب=إشتهرت بنظم غيرك وش خذيتـه
عقب منته فوق صرت اليوم ذايـب=وآخساره شوّفـك بيـدك عميتـه [/poem]
[align=center]تقبلوا فائق
الود من/ أختكم حنين الماضي[/align]

[ابن مرشد]

صح لسانك وبيض الله وجهك


تحياتي

[الأســـد]

[align=center]حنين الماضي

صح لسانك على هذه القصيده

الرائعه التي تحمل عدة معاني بحق رائعه

ولك تحياتي[/align]

[إبن ثعلي]

صح السانك ياحنين ماقصرتي قصيدة رائعه
تحياتي

[ابن مسلم]

حنين الماضي

صح لسانك على هذه القصيده

الرائعه

ومبروك الاشراف

ولك تحياتي

[بدر الروقي]

صح السانك ياحنين


والصراحه هذي ظاهر نعيشها نحن كـ شعراء


وبيض الله وجهك على القصيده


تحياتي .!!!

[ناصر بن سعدي]

مشرفتنا الغاليه

حنين الماضي...و....إبداع المستقبل


لله درك...وما أجمل لحظات الغضب إذا تنتج لنا مثل هذه الغاضبه..!!

التي تحمل...في طياتها...الإبداع...والجزاله..!!

عن كلاماً بالقفـا مثـل الهبايـب
هب سافيهم علـى قصـراً بنيتـه

والمعاني كايـده والعـرف صايـب
والـذراع اللـي تعـزه مالويـتـه


وننتظر...راوئعك المعهوده..!!


وتقبلي فائق الود...!!

[صـــالح]

صح الله لسانك
يا حنين
رائعة جدا .............موضوع يستاهل

عن كلاماً بالقفـا مثـل الهبايـب

هب سافيهم علـى قصـراً بنيتـه

بإنتظار إبداعك


تقبلي التحايا القلبيه

[النـايــــــف]

صح لسانك اختي حنين الماضي


ولا تحرمنا من إبداعك معنا


تحياتي لك ،،،،،

[عبدالله المرشدي]

حنين الماضي



صح لسانك وعلى شانك

واصعب شي على الشاعر سرقة قصائده

ولا يسرق الا من هو في حاجه

لاهنتي

اجدتي


احترامي