الله اكبر يوم هلّت دمعة السنيورة....مشاعر شاعر...

[مشعان]

مساكم الله بالخير جميعا..

مشاعر ..شاعر .

آمل ان تنال رضاكم...ولكم كل الود.






الله اكبر يوم هلّت دمعة السنيورة
..................................عبّرت عن مايكنّه باتجاه بلاده
والله انّا مانلوم الانفس المقهورة
.................................الشعب مسكين يتعرض لاشد اباده
أصبحت صيدا ضحية من بعد شتورة
.........................شعب لبنان اكتوى محد(ن) سعى بانجاده
عبر ماتنقل محطات الفضا للصورة
................................لو رأها شاب منها اللي بوسط مهاده
منّها العاقل خطير(ن) مايجي بشعوره
...........................من يشوف الوضع والله مااهتنى برقاده
أمّة الاسلام والله بالفعل مذكورة
...............................وين عهد ابن الوليد وجعفر ومقداده
كمّ بستان(ن) قطفنا منه حلو زهوره
...............................من يعيد المجد قولوا من يعيد امجاده
الامور اللي نبيها كلّها مخبورة
...............................بس!!وش فود الجيوش اللي بدون قياده؟؟
يااليهودي عارفين ان الفلك له دورة
...............................يوم صوت الحقّ يعلن عن قيام جهاده

[ابن مرشد]

صح لسانك وماتقصر

[مخاوي النشامى]

مشعان
صح لسانك وبيض الله وجهك على القصيدة الرائعه
الله يعطيك العافيه

[ابن مسلم]

[align=center]مشعان


صح لسانك على القصيده الرائعه

وأساْل الله أن يفرج كربة المسلمين[/align]

[إبن ثعلي]

صح السانك يامشعان قصيدة رائعه
تحياتي

[مشعان]

بندر 2006 صح بدنك يالغالي ولاهنت على مرورك العذب.

مخاوي النشاما تحياتي لك وهذا من ذوقك لاخلا ولاعدم.

ابن مسلم صح بدنك ولاهنت واللهم امين ان تعود الامه الاسلاميه الى سابق عهدها, وشاكرك على مرورك الذي يشرفني.

ابن ثعلي لاهنت ياالغالي على مرورك وتشرفت في مرورك.

[عاشق وهم]

صح لسانك يا مشعان بعدي والله يالوليدهـ,,,,,,,,,كفو يا ذيبانـ,.,

[الشــــيبانــي]

مشكور اخوي مشعان على القصيده الرائعه
وتقبل تحياااتي

[عبدالله المرشدي]

مشعان صح لسان


وعلى شانك

تقديري

[إنسان]

الله الله ابدعت يا مشعان على هذا التوصيف الجميل ، لا فض الله فوك واسأل الله ان يبارك في ما تكتب .