بـرق الـحـيـا

[برقاوي هواوي]

لي في معاليق السحاب , اليا اشتعل برقه غـرام
لاهب نسناس الحيا , يـروي القلـوب الهاويـه



ااافز لاشفت السمـا , تلتـف بوشـاح الغمـام
يطري على بالي جديـل , أم الخـدود الراويـه



ايلا ادلهمت غيمتين , وسبـب البـرق انقسـام
ماكّنهـا الا فرقتـن , فـي قذلتـه متسـاويـه



ذاك الجديل اللي كسى , ظهره على الردفين نام
خصلات ليلن مظلمـه , مـن ثقلهـا متهاويـه



يا أم العيون الناعسه , تكفيـن ناويـن الصيـام
وانتي تمردتـي علـي , جيتـي لقلبـي ناويـه



مادام في طاري النفل , والشيح وورود الخـزام
وش حال ورديّ الزهور, اللي ابخدك ضاويـه



ارتاح يا برق الحيا لاشفـت وبـل الغيـث زام
يا أغلى الورود ابداخلي , وانتي لروحي طاويه


والله لو ان المطر , ما اروى اعروقك والثمـام
لا روي اعروقك من دمي , وأظما مادامك راويه



قالوا الفضا حلم العيون , الضايعه وسط الزحام
وااانا ا قول ان الفضا , حلـم القلـوب الذاويـه



وانتي فضاي وغايتي , واحـلام عيّـت ماتنـام
وأنتي مدى حلم العيون , اللي تشـوف الزاويـه



لو كان ما انتي داخله , قولي على قلبي السـلام
باموت وأحيا في يدك , مـادام رجلـي قاويـه



جيت أوصفك واستاذنك , ضيعت مضمون الكلام
وصفك عجز عنه الحكي , حتى المعاجم خاويه


يا ام العيون الناعسه , مـادام ناويـن الصيـام
أسألك باللي مكّّنك , منّي وش أنتي ناويـه ؟؟؟



م
ن
ق
و
ل

[فواز الشيباني]

اخي برقاوي هاوي

بيض الله وجهك

على الاختيار الرائع

وصح السان الشاعر

[برقاوي هواوي]

وجهك ابيض اخوي فواز ولاهنت على مرورك العطر

[بوشامه]

صح لسانك اخوي برقاوي هواوي على النقل وصح لسان الشاعرالمبدع في نمط هذه الابيات000

[النـايــــــف]

صح لسانك اخوي برقاوي هواوي


وصح لسان شاعرها


وبيض الله وجهك

على هذا الاختيار


تحياتي لك ،،،،

[مخاوي النشامى]

تسلم يمينك اخوي برقاوي هواوي
على النقل الرائع
مجهود تشكـــــــــــــــر عليه

[برقاوي هواوي]

صــح بدنك اخوي بو شامه وتسلم على المرور

[برقاوي هواوي]

صــح بدنك اخوي النايف ولا هنت على المرور

[برقاوي هواوي]

الله يعطيك العافية اخوي مخاوي النشامى ولا هنت على المرور

[إبن ثعلي]

اختيار رائع يابرقاوي هواوي لكن لو قلت اسم صاحبها افضل
تحياتي