قصيده جزله

[فواز الشيباني]

خذيت من روحي لروحي فوائد *** ثلاث جزلاتـن شويـن عددهـا
الاوله حبي دخول المساجد *** والبعد عن مـن طاعـة الله فقدهـا
والثانيه حبي لحفظ العوايد *** والبعد عن ناسـن كثيـرن حسدهـا
والثالثه حبي لنضم القصايد *** لامـرت الرجـل الحميـد يحمدهـا
وزودتها من روح روحي زوايـد *** ألـوذ فيهـا لابليـت بنكدهـا
احب رجلن بالمهمات كايد *** لاقلـت لـه ذيـك المهمـه قصدهـا
لا جا نهارن فيه ناقص وزايـد *** يحلهـا لاكثـرو فـي عقدهـا
واحب زينات البكار النوايد *** علـط الرقـاب الياتوففـر سعدهـا
خطوا الفتاه اللي ظهرها متحايد *** لاحة ضباب الورد نارت وحدها
صفراً عليها من وبرها شرايد *** مثل الطموح اللي تنقـظ جعدهـا
تلعب نهار العيد والعيد عايد *** بين الصفـوف بخيزرانـن بيدهـا
وتنقض جتيل الراس فوق القلايد *** وتشوف من حبه بداخل جسدها
لاضاق صدري والليالي شدايد *** نصيتلـي صفـراً تـدرج ولدهـا
صفراً لبنها للنشاما برايد *** في دكتـن مـن جـا يبيهـا وجدهـا
فيها يقاط طلع هدب الجريد *** غيدن ثمرهـا نـادرن فـي بلدهـا
واحب ممشاً بالفياض الجدايد *** بين البيوت اللي رفاعـن عمدهـا
واحب اخيل مرزمات الرعايد *** دهم السحاب اللي ثقيلـن رعدهـا
برفقت مشاكيلن وساع البنايد *** شقر الحرار اللي ينومس هددهـا
هذا هواي وتالي العمر بايد *** ولادامـت الدنيـا لمنهـو رصدهـا



وسـلامتكم
واتمنى ان تنال على اعجابكم
وهي لشاعر / عبدالهادي السبيعي

[ابن زعام]

صحيح انها جزلة


صح لســــــــــــــــــــــانك يافواز


وصح لسان السبيعي

[فواز الشيباني]

اخي ابن زعام

اشكرك على مرورك الرائع

يعطيك العافيه

[كحيلان]

مشكور فواز لاهنت ولاهان راعيها

[برقاوي هواوي]

صح لسان قايلها وسلمت يمناك اخوي

الله يعيطك العافيه


بـرقاوي هواوي

[اخو من طاع الله]

صح لسانك يا فواز وصح لسان الشاعر السبيعي

الله يعطيك العاااااااااااااااااااااافيه

[النـايــــــف]

صح لسانك اخوي فواز الشيباني


وصح لسان الشاعر عبدالهادي السبيعي


وبيض الله وجهك

على هذا الاختيار


تحياتي لك ،،،،

[فواز الشيباني]

اخي كحيلان

مشكور على المرور

لاخلا ولاعدم

[فواز الشيباني]

اخي برقاوي هاوي

اشكرك على مرورك الرائع

يعطيك العافيه

[فواز الشيباني]

اخي عبدالله الحافي


مشكور على المرور

لاخلا ولاعدم