مااسمع غير المذن يذن على حله ......والا صدى صوت غسل مواعيني

[دمـــعة غـــريق]

[align=center]


[glint]وجدي مهوب وجد ضيدان على خله[/glint]


السلام عليكم ياعتيبه .

الله يقدرني واعوضكم على مافات واضيف لكم هذه الابيات رضاء لعيونكم . اختكم فالله ..دمعة غريق.




البــارحه ليـلتـي قـضـيـتها بمـله

000 حـدوك على الخــلا عـــزاه ياعـيني

وجدي على رفـقـة راع الطير والفـله

000 اسمع مـوااويلـه لو ماهي بتـعـنيني

ووجدي على العرب والكيف والدله

000 ووجدي على شوفت اماً لي تناديني

وجدي مهوب وجد ضيدان على خله

000 وجدي وجد عميان ماشاف من حيني

احـــتـد للمــقـعـد والــدرب مايـدله

000 ويذكر بني عــمن نسـيووه شــهريني

قام يتوجد لعل الناس تفطن له

000 والناس مع الاسهم وبالمــال لاهيني

والله ماني بكـبر الراس مختله

000 ولاجمع الهم في صدري واعزيني

هذا الخــلا حــدني للنــت والعـله

000... ياكــودني القــا منهو يواسـيني

ماشوف لي زولٍ عندي اتعدله

000 وابكي على كتفه لجــله ايهديني

مااسمع غير المذن يذن على حله

000 والا صدى صوت غسل مواعيني

نوبٍ اخطــط دفتري وبدموعي ابله

000.. ونوبٍ اغني للوله مثل المجانيني

يامن يشـــد اخوي فالدرب ويقـله

000 ياكيف بعت دمعه وشريت جمسيني



دمـــــــــعة غـــــــــريق [/align]

[((الدلبحي))]

يعطيك العافيه

تحياااااااااااااااااااااااااااااااتي

[وليد الزراقي]

مشكوره
سلمت يداك
تحياتي
أمير المنتدى

[طويل الذراع]

مشكوره

يعطيك العافيه

تحياتي

[اخو من طاع الله]

مشكوره يا دمعة غريق على القصيده


الله يعطيك العاااااااااااافيه

[دمـــعة غـــريق]

ربي يعافيكم

شاكره لكم

[العود الازرق]

صح لسانك اختي

[النـايــــــف]

صح لسانك اختي دمعة غريق



ومعليش ننقل القصيده إلى قسم قصائد الاعضاء



تحياتي لك ،،،،

[صاحب رسالة]

تسلم يمينك يابنت العم والقصيده هيضتنا على مافات مير الله يعين

[إبن ثعلي]

القصيدة يااخت دمعة من ناحية الفكره والمعنى ممتازه لكنها تحتاج وزن مشكوره ماقصرتي
تحياتي