كان ما الله فزع لي بالامير النصيح === والا رد الخبر له والبقا في حياته

[بناخي عتيبة]

طير قم خبر المحبوب رجوى الذبيح



انه يريحه بالموت يحسن ذكاتـــــــــه

حد سكينك اللي من جروحي تسيح
لا تعذب بحدن ما تسوي شباته
والله انك غني ن عن سلاح وطريح
ارمه برمش عينك وانت تدرك وفاته
ما يفيد المصيح لو بحسه يصيح
ولحقته الفزوع اللي تحاول نجاته
كان ما الله فزع لي بالامير النصيح
والا رد الخبر له والبقا في حياته
اخبروه ان دمي عند ريم ن مليح
مير لا ترحمونه لو تشوفوا حلاته
وان خذيتوا بثاري بالثرى لا يطيح
لين يدفن بجنبي والتقيه بمماته
قربوا لي وليفي وازرعوا عود شيح
يمكن الله يبارك بيننا في نباته
واكتبوا في نصايبنا بخط ن صريح

ذا قتيل المحبة حقق الله مناته

[{ أبوفيصل }]

صح لسانك ملايين
شعرٍ ماجابه الّا شاعرٍ مشاعره صادقه
لله درك على هالقصيده الرائعه

تحيتي لك
خليجي نت

[النجم الأصيل]

صح لسانك وبيض الله وجهكـ

ودي واحترامي لك

[شيخ الشيوخـ]

شاعر كبير يابناخي عتيبة بدون اي مجاملة


والله انك غني ن عن سلاح وطريح
ارمه برمش عينك وانت تدرك وفاته


مبطي ماسمعت مثل هالبيت

صح لسانك ملايين ولاتكفيك على القصيدة من اولها لا اخرها

[نواف الشيباني]

الله الله صح الله لسانك ولا هنت على طرحك الراقي .. تقبل مروري ,,,

[عبدالله المرشدي]

بناخي عتيبه

صح لسااانك

رائعه رائعه

يالبناخي

تحيتي

[سويلم الخراص]

صح لسانك
يالبنااااخي

اعجابي

[بناخي عتيبة]

ارحبوا وصحت ابدانكم أخوتي الكرام وعشمي أن تنال أبياتي المتواضعة استحسانكم
دمتم ودام التواصل بيننا .

[فهيد مقعد الرويس]

صح لسانك

وعتلاشانك

يالبناخي

اطيب تحيه