السلام عليكم ورحمة الله ,,
/
/
مساجله اعجبتني بين عمالقة الشعر
رشيد الزلامي ,, ومحمد السديري
اتمنى تعجبكم :)
رشيد الزلامي,,,,
اكتب ويكتب لي وانا اقول حتيـش==حبرٍ على القرطاس ماهوب كافـي
والوضع ماهو قابـل للمطاريـش==ياميـر بشرنـي عساهـا عوافـي
سجيت يوم غصون قلبي مواريش==واليوم يافرز الوغـى شـاب قافـي
عروق قلبي يالسديري معاطيـش==امسي وانا مقفـي واعايـن خلافـي
رافقت حجاج الهنـود الدراويـش==وسريت مسرى الذيب رجلي وحافي
وطال المسير وصار بالجو تشويش==متى على الله يصبح الجـو صافـي
شي يخدش ثومة القلـب تخديـش==وسره يعود الـى القلـوب النظافـي
يكفيك لايح كلمتـي دون تفتيـش==وعندك خبر ماقال صقر النصافـي
ومدام انا قلبي جزوع الـى نيـش==حساس من كلمـه سريـع العيافـي
ارض خلا لومابها لقمـة العيـش==اخيـر مـن رزق عليـه اختلافـي
والرمز يكفي الحر والخاتمه ويش==واقبل تحياتـي وانـا شـاب قافـي
ـــــــــــــــــــــــــ
الاميرمحمد السديري:
ياطير ياللي بالهوى تنفض الريـش==ياللي تهز اطـراف ريشـك خفافـي
ياللي نهضت الصبح عقب المغابيش==وقت الصباح وكـلٍ ابصـر وشافـي
اعطيك سـر مخزنـه بالنشانيـش==انحـر رشيـد ولـك بـداره ملافـي
رشيد من ربعـه عـداة مداغيـش==وصـل كلامـي للعديـم السنـافـي
قل له عرفت اهل القلوب المغاشيش==اللي عصـو باللـي ثمانـه رهافـي
زين الصباح ينفـش الخـد تفتيـش==عين العنـود اللـي تـرب السعافـي
برق يفوتك لـو مزونـه مراهيـش==لاتستخيـل امطـار سحـب مقافـي
العام قلت اطلب هل الخيل والجيش==اهـل البيـوت موسعيـن الرفـافـي
الى غدى فعـل المراجـل تناويـش==افعالهـم مثـل الغـتـر بالكشـافـي
وقلوبهم للضيـف دايـم هشاهيـش==وعدوهـم اسقـوه ســم زعـافـي
دور مع الاجواد ضاف العكاريـش==وابعد عن اهل الكيد والستـر ضافـي
رزق ورى النذال جوع وعراميـش==والشـرب منهـم يالزلامـي عيافـي
اجزم وشم واعرض وبعد عن الهيش==مافيه كـود الشـوك مثـل الشلافـي
وفيه العقارب والافاعـي محانيـش==والفعل وسط قلوب الاشـرار خافـي
الى عصو مالـك بنجـد مهاويـش==شـــرع للبيبان الشـريـعـه لـحـافـي
راحت سنين الخيل مع حزب الجيش==وهـذي سنيـن يالزلامـي عجافـي
رشيد اهل خلك ترى عندهم طيـش==ويفرقـون اهـل القلـوب المشافـي
وسلامتكم :)
| 
|
09-18-2009, 02:18 AM
مســـــــــــــاجله شعريه ,,,,,
العرض العادي
