إلششِآعرِ سسَعودِ منآورِ الِع‘ـتيبيِْ [ ضيفَ موِقعِ عّ ـتيبهِ ] ..

[ناصر بن سعدي]

أجل ياركان صمم لنا بنر جديد وإستخدم الصوره هذه ..


وعنـدي سؤال لـ الشاعر الجميل ..سعود مناور ..


إين سعود مناور من مهرجانات صيف المناطق والمحافظات ..؟



ولي عــوده ..

[سعود مناور]

المشاركة الأصلية كتبت بواسطة ناصر بن سعدي أجل ياركان صمم لنا بنر جديد وإستخدم الصوره هذه .. وعنـدي سؤال لـ الشاعر الجميل ..سعود مناور .. إين سعود مناور من مهرجانات صيف المناطق والمحافظات ..؟ ولي عــوده ..

هلا والله يا ناصر

ايه هذي صورتي يا زينك يا رجال وين لقيتها

ابيض وجه عموما وجودك نور

ناصر من العام وانا حامي من ديره لديره

بس مشكلتي مع الصحافه ومنتدانا هناك مالي معهم تواصل ابد

اكتب قصيده واطلع وحتى دخلت شاعر المليون ولافيهم احد يعرف والبعيدين اللي بجميع المنتديات يكتبون عنهم علما اني انا اللي من هاك الموقع والشاعر الوحيد اللي يكتب فيه وخش برنامج المليون لاكن وش تقول اما الصحافه وغيرها والله ان اموت ماقطيت وجهي وتملقت احد كائن من كان

نرجع للامسيات اقمت بمهرجان حائل مع مانع ابن شلحاط. وفي حسانا فلّه انا وخلف المشعان ويمكن هي الامسيه الوحيده بالمملكه اللي كان فيها حضور نسائي غير مسبوق وكانت جميله ولاتفهمني غلط مو جميله علشان العنصر النسائي علما انهم عطوا الامسيه جو بتشجيعهم كانوا اعنف من الجزء الاخر
وفيه امسيه بالخبر بتخرج مجموعه كبيره من الضباط العتبان وموجوده باليتيوب وامسيه مع لهاب الحربي اللي كان بشاعر المليون بالخفجي وامسيتين بابوظبي وامسيه بالقاهره واخيرا كانت من ..اسبوع.. بمهرجان صيف الشرقيه ومنتدى المنطقه الشرقيه مع علي ابن رفده وعبدالله خلف الخالدي وكانت امسيه مميزه بحق ابدعوا فيها الشباب . كثير هذي غير الخاصه وش تبيني اسوي يابن سعدي اركض للصحاف واقول ارجوكم اعلنوا او حطوا خبر او اتملق احد تابى النفس عموما الامسيات الاهم اذا دعيت وانا ماعندي شغل جيت واهم شي احضر واجمل نفسي ومن دعاني وبعدين فيها استفاده مثل منت خابر خصوصا اللي بعيد حقات الربع اللي برى فيها الشي الكثير. وتقبل تحياتي يابن سعدي

مرورك نور


.