..][ مــن يـتـبـع الـمـقـفـي يـذوق الـغـرابـيـل ][ ..

[شـوآق]

بدون اي مقدمآت


فالعنوان واضح بلا شك






يافلان يابن فلان ماصحت شفقان
روح ياجعل دروب مثلك تهاويل


انا مع اهل الطيب مانيب خسران
يكفيني طيبي با اليال المقابيل


شامخ وفاتح باب عزي علشان
مثلك يعرف شلون قدر الرياجيل


نفسك تبى العليا وهاذي بالاكفان
فعل المراجل مايجي بالتقاويل


الحر تكفيه الاشاره بالاعيان
يعني تنبه وافهم العلم لاقيل

مانتبع المقفي ولو كان من كان
من يتبع المقفي يذوق الغرابيل


طبعي تعرفه قبل تحلف بالايمان
وتلعب على نفسك بجر المواويل


ماجيت يمك باغين فيك احسان
لا والله الا جيت اردد تساهيل


بانت لي الصوره وشفتك يافنان
راسم مشاعر تنكشف بالتفاصيل

مهما يطول الوقت لابد تنهان
وتجني فعايل ماكتبته بهاذيل


ماني على صدتك يافلان بلشان
ولاني بميت لاجل صك المداخيل


/



سعود العتيبي

( آبــو شــوق )

[كان موجود]

[align=center]صح لسانك ياسعود ,,
غاضبه وتحمل الابداع في كل شطر منها ,,
تحيتي وتقديري ,,[/align]

[إبن ثعلي]

صح السانك يابو شوق قصيدة ولااروع منها
تحياتي لك

[فهيد مقعد الرويس]

[align=center]صح السانك

لاهنت يابوشوق

تقبل اطيب تحيه[/align]

[شـوآق]

ماهر النمر



صح بدنك


ولاهنت ع هالمرور الكريم


تحيتي لك

[شـوآق]

صح بدنك يآ ابن ثعلي

والروعه هي روعه تواجدك


تحيتي لك

[شـوآق]

فهيد الرويس



صح بدنك , ولاندمت



تحيتي لك

[قوت القلوب]

صح لسانك
قصيده رائعه
لاهنت
تحياااتي

[شـوآق]

صح بدنك يآقوت ’,


والروعه اكتملت بتواجدكم



تحيتي لك ِ

[رغدالشيباني]

المشاركة الأصلية كتبت بواسطة أبوشوق يافلان يابن فلان ماصحت شفقان روح ياجعل دروب مثلك تهاويل انا مع اهل الطيب مانيب خسران يكفيني طيبي با اليال المقابيل شامخ وفاتح باب عزي علشان مثلك يعرف شلون قدر الرياجيل نفسك تبى العليا وهاذي بالاكفان فعل المراجل مايجي بالتقاويل الحر تكفيه الاشاره بالاعيان يعني تنبه وافهم العلم لاقيل مانتبع المقفي ولو كان من كان من يتبع المقفي يذوق الغرابيل طبعي تعرفه قبل تحلف بالايمان وتلعب على نفسك بجر المواويل ماجيت يمك باغين فيك احسان لا والله الا جيت اردد تساهيل بانت لي الصوره وشفتك يافنان راسم مشاعر تنكشف بالتفاصيل مهما يطول الوقت لابد تنهان وتجني فعايل ماكتبته بهاذيل ماني على صدتك يافلان بلشان ولاني بميت لاجل صك المداخيل / سعود العتيبي ( آبــو شــوق )

يعطيك العافيه
ابو شوق صح لسانك مليون ولا يسدون
وان سدن ماكفن..

قصيده رائعه جدآ

استمعت بالقراءه
ربي يسعدك ..
ارق التحايا....