روائع الشاعر خالد مدعث

[فهيد مقعد الرويس]

[align=center]لاهنت

يامحماس

ومشكور على نقل هذه القصايد الرائعه

لشاعر غني عن التعريف وصح السانه

وهذا يدل على حسن الذايقه علدك يامحماس في نقل القصايد

وفيه قصيده موجهاخالد لابن شايق لايحضرني منها شي واعتقد انه نجبله جيب

واذا هي موجوده عندك يامحماس ياليت تتحفنا بها

ولك جزيل الشكر والامتنان

تقبل اطيب تحيه[/align]

[محماس بن عبيد]

شكرا لك ياسلايل المجد على مرورك ، على ذوقك الرفيع ، وانتظروا مني مزيدا من قصائد المبدع خالد مدعث 0

[محماس بن عبيد]

لك شكري الجزيل أخ فهيد ، وتذوقك لهذه القصيدة يدل على ذوقك الرفيع ، وقصيدة الجيب التي وجهها لابن شايق هي من روائع الشاعر خالد ، انتظر القصيدة سأطرحها قريبا بإذن الله 0

[محماس بن عبيد]

[size=1][size=7]السلام عليكم ورحمة الله وبركاته 000
قصيدة خالد التي ذكرتها في الجيب كانت لدي في شريط قصائد خالد مدعث ، ولكن للأسف لم أجد الشريط لدي ، فقد أضعت الشريط ، فأعتذر منك ، وإليك قصيدة أخرى في الجيب لخالد مدعث :
أنا ليا ضاق صدري واشتعل جاشـي
داويت نفسي من همـوم تناهشهـا
ضربت لي طرقة تصعب على اللاشي
وسريت رجلي ومسرى الليل ينعشها
ونحرت جوٍّ خلي يوحـش أوحاشـي
صحاصح البيد طبّ اللـي يعايشهـا
خالي جنابه من العالـم والأدباشـي
قفرٍّ مرب الوحوش ومأمن اوحشهـا
عشبه سواة الحمى مهـوب يناشـي
لا راعي البل ولا الشاوي بنايشهـا
ما يقطعن فرجته حـرار الابواشـي
الضمّر اللي وصوف الريم تلكشهـا
ما يسهجه غير جيب يطرب الماشي
مع واعر الارض ولا مع مفارشهـا
جيب يبعد عـن معشـاي مغباشـي
اللي يقص الـدروب اليـا تناوشهـا
ما يسمع من المكينه غير وشواشـي
ماكنها إلا الحيايـا فـي توشوشهـا
لا فر من دوس رجلي صابه خراشي
فـرة قطـاة دوي الملـح خارشهـا
يطيش من طيش سواقه ليا طاشـي
نوب ٍ يخمّ الخطوط ونوب يقرشهـا
أبيه لابـان نجـم ونجـم متلاشـي
وشفت السويبع مع خوانه مداقشهـا
في ليلـة وبلهـا هتـان ورشاشـي
وقلايد الوسـم مرخيتـن مراهشهـا
اليا ظمرن الفحول وجاهن طياشـي
والارض في بطنها قـرت هوايشهـا
وراع ِ الولع عقب موته له تنعواشي
طيره على الكف والدنيـا مطنشهـا
ما عاد يطري له الا برق الارياشـي
اللي على شانهـا البيـداء يفتشهـا
وانا معي عاري ٍ مهـوب بخياشـي
لاتل سيره علـى المقفـي تفرشهـا
عديم واسمه عديم ما اسمه شلاشي
زرق الشوش لا لحقها علق شوشها
ومن لا عرف لذة المقناص ما عاشي
ولعه بليـا طماعـه ميـر عايشهـا
يسلا بها الخاطر اليا ضاق وانداشي
وترتاح في النوم عيني يوم اغلمشها
ما تسمع اذني صدى لجلاج وهواشي
الا السواري مع الظلمـا تخترشهـا
يا لايمـي خلنـي أصـد وانحاشـي
عن شوف ناس مغير تلوي خششها
والله إن يبطي مع المقناص مطراشي
لين المنيـه اقابـل وجـه طارشهـا
هذا الدواء اللي يداوي حدب هشاشي
من هاجس لاتحـرك قـام يجرشهـا
[/size][/size]