بعض ٍ من معارك الجعافرة من قبيلة عنزة مع القبائل المجاورة لها

[الجعفري]

اجابة على سؤال اخي الفاضل الحصان

كان الفارس الشهير فهيد الفواري من العمود من شمر من اهل الجزيرة بالعراق فقد سمع عن عقاب العواجي ومافعله في شمر وجاء من الجزيرة رغبة منه في مقابلت عقاب والانتقام منه .
واول ماوصل كان مجيئه على اهل فيد شرق مدينة حايل وقد كان عقاب يأخذ عليهم الاخاوة (الرتاعة) ( الجزية) ( الباج ) حسب اللهجة المتبعة عند كل قبيلة
فــ سأل فهيد الفواري الحاضرين عن احوالهم كماهي العادة في تبادل السلام واثناء تبادل السلام قام شايب كبير من شمر لا اعرف اسمه
وقال هذه الابيات بدل مراد السلام


ان كان تنشدني عن الحال يا فهيد
ـــــــــــــــــــــــــــــــ حزين لا جرا لك اللي جرا لي
باكر يجينا عقاب ينزل على فيد
ــــــــــــــــــــــــــــــ ولا عندنا اللي للسبايا يوالي
تولموا يا اهل البقر والمعاويد
ـــــــــــــــــــــــــــــ كلن على معيده يسوق الريالي
اخاوة لو به علينا مناقيد
ـــــــــــــــــــــــــــ فرضت علينا من بعيد المدالي


ثم رحل فهيد الفواري الى ديار ولد سليمان غرب حايل واصرعلى ان يقابل عقاب ويقال انه قد نصحوه بعض عقلاء شمر عن مقابلة عقاب ورفض
وكان هناك منطقة خطرة بين القبيلتين وفي نفس الوقت خصبة مراعيها ووفيرة فقام فهيد الفواري بــ توجيه ابله الى هذه المنطقة والتي تقع غرب ريع المغني جنوب فيضة ابن سويلم 7 كم تقريباً وتسمى ابواعة والمصيد تشاهدها وانت مع الاسفلت العام .


ثم قال فهيد الفواري هذه القصيدة.



[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا من العصـلان واصلـي عريبـي = علي بالقفر المطـرّف الـى هيـب
قالوا ابواعـة والمصيّـد خصيبـي = تعكفت جرع المصيّـد مـن الطيـب
وانا على اللـي كنهـا راس ذيبـي = اكحيلة(ن) من محكمات المجاذيـب
انطح عليها كـل ليـث(ن) مريبـي = واثني عليها دون زمـل الرعابيـب
عابينهـا لـمـدرّع(ن) مايهيـبـي = ان حل ضرب(ن) بالسيوف المحاديب
تلاوحوا من فوق شهـب السبيبـي = خيل(ن) تطارد دون حرش العراقيب
صاح الصياح وحان ثـار المغيبـي = وتسابقـن ريـع المغنـي جناديـب
شهب(ن) عليهن مهزمين الحريبـي = اللي على جمع المعـادي مهاذيـب
[/poem]

وقد شاهده عقاب العواجي وانقض عليه وحصل بينهم كر وفر وحاول عقاب اللحاق بالفواري الا ان فرس الفواري كانت سريع فصاح عقاب ثم اخمرت فرس الفواري وترجل الفواري على الارض مستسلم لعقاب وقد اسره عقاب ثم عفا عنه وقال عقاب للفواري الفرس والبل لنا والزمل خذه يشيل ابوك عليه اذا رحلوا شمرحتى لايبقى على الدار(المراح) وقد روح الفواري مامعه غير الزمل ثم سئله والده وين البل فقال فهيد البل اخذها الولد اللي يستاهلها فقال والده اخس ذللك سمي الطير فرد على والده بهذه الابيات




[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابـوي يازبـن الجـواد الهزيلـه = ان حل عند اقطيّهن ضرب مسنـون
ان جاء نهار(ن) مظلم(ن) مثل ليلـه = ياملحـق اللـي بالمعـارة يخلـون
الديرة اللـي اخمـرت به الكحيلـه = والله ماتسوى عندنا شـرب غليـون
ما اقعد بهـا ياوالـدي ربـع ليلـه = ماهي لنا ديرة عقاب(ن) وسعـدون
دونه عقاب الخيـل يلمـع صقيلـه = كم فارس(ن) من حربته طاح مطعون
وحيـاة منشـي المـزون المخيلـه = ان الجزيـرة مـا لنـا دونهـا دون [/poem]


ثم بعد ذالك قال سعدون العواجي هذه القصيدة مفتخر بفعل ابنه عقاب



[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

عقاب حق الطلع من راس مرقـاب = خم الفواري يوم مـاح الجناحيـن
جلاّه من نجد(ن) على غير ماطـاب = وقبله عثا بجموع قـوم(ن) قوييـن
له مخلب(ن) مايقدره كـل مخـلاب = ليث الليـوث الهايجـة بالاكاويـن
نجمه طلع وفهيد نجمه عنه غـاب = مااسب ذيب الخيل مار السعد زيـن
تعيش ياعقاب(ن) ذعر خيل الاجناب = اهل الرمك من سطوته مستخفيـن
ان جاء نهار(ن) فيه وقفات الاشناب = يوم(ن) به يثارون طلابـة الديـن
سيفه بهامـات المناعيـر قصّـاب = عوق الخصيم اليا تعدى القوانيـن
يلكد على الصابور والجمع ماهـاب = اليا عثى فيهم عثـى فيهـم البيـن
يلكد ملاكيد(ن) لبـا زيـد وذيـاب = ليث السبايا ماضي(ن) له براهيـن
ان مد عقاب الخيل للسـرح جنّـاب = نامت عيون اهل الدبش مستريحين
حنا تنام عيوننـا فـي ذرا عقـاب = واضدادنـا منـا يباتـون سهريـن [/poem]



اما سؤالك عن قصيدة نمشة انا لا اعرف هذه القصيدة وسوف اسأل عنها وانت ماشاء الله عليك موسوعة واعرف مني في سوالف وقصص ربعي الله يحفظك ويكثر من امثالك.
ودليل طيبك عشقك لــ سوالف الرجال الطيبين مثل اخو نمشة عقاب العواجي.
اما ( صفراء عقاباً رتعت بالنواميس )فهي اما مثل ماتفضلت (رثعت) او( ارتعت ) معنى ارتعت مثل الابل عندما ترعى في الروض الخصب نقول لها مرتعه

اما سؤالك عن
ان حضبت كتع الجموع المتاريس .. كتع لايوجد عندي تفسير لها وربما تكون( كثر) بدل كتع او( كتم)(كتل) وليس كتع
اما سؤالك عن.
وحناء ذبحنـا فارسـا السناعيـس .
لعدم معرفتي بالقصيدة لا اعرف منهو الفارس المقصود والشطر فعلآ ناقص وانا لا اعرف القصيدة ولا استطيع التعديل فيه كما انني لست شاعر
ومن المؤكد انه ليس سنجاري ولكن من عبدة حيث هم من يطلق عليهم السناعيس من دون شمر الاخرين
ومن المؤكد ان اللي وقف في وجه العواجية هم عبدة من شمر ( كبود الزمل ) والدليل قصيدة عبد الله او اخوه عبيد ابن رشيد
وربما لاتكون لاحدهما ولكن من المؤكد الذي لاجدال فيه انها لــ احدى الرشيد. منها


[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يادار حنا اللي لـ ضفك نصالي = الى عافك التمياط وانحاش ضرباح
وانحاش بـ ثرهم طلال الرمالي = وكثيرهم اللى يوجس الرمي مساح [/poem]


فهو يقصد عبدة ( السناعيس)هم من دافع دفاع بطولي
فقد كان الفارس عبد الله العلي الرشيد موسس امارة الرشيد قد خاض معركة ظفرة ضمن جموع شمر قبل ان يطردونه ابناء عمه العلي من حايل

اخي الحصان تقبل شكري واحترامي لك والله انني معجب في معلوماتك القيمة خاصة عن ولد سليمان فأنت تملك ثروة من المعلومات عن هذه القبيلة لايملكونها ابناء ولد سليمان انفسهم.
الله يحفظك من كل مكروه


الجعفرررري