يا وطنّا يا وطنّا عمت عين الحسود ___ ما تهزك لا زوابع ولا غدر اعملا

[ضيف وشاعر]

يالربع ياعتيبه يارجال تعرف المذهب الزين

اسمعوا علم الهذلي اللي يبى يقوله

** اولاً // هرج الخس متعمد ولا على نيته هل هرجه ضركم ؟ الجواب كلنا نعرفه ,,,,, هذه وحده

** ثانياً // كما قلت سلفاً جهيمان اخطاء الله يرحمه ويسامحه واخذ جزاه فالدنيا ,,, واللي معه اخذوا جزاهم .

** ثالثاً // ترى الرجال العاقل يأخذ العلم الطيب ويترك العلم الشين في نحر راعيه وهذه هي الحكمه

** رابعاً // تقولون الخس اخطاء واقول حتى لو اخطاء لا تذكرون قبيلته بالشينه تراكم عيال الاحرار والحر ولد الحر الطيب يقدمه والشين يتركه ولا يلتفت يمه

** خامساً // ياعتيبه ترى ذكركم مع الناس زين ويشرف وانا اكون صريح معكم ترى الذكر الزين اللي عنكم بناه ابأئكم واجدادكم فلا تهدون هذا البنيان المشرف بالدخول في مهترات انتم في غنا عنها
وكملوا نهج سلفكم من الرجال الغانمين

** سادساً // كل مخطي مايشرفني ولايمثلني ولا اعتبره مني ولاني منه وانقي نفسي منه وهذا طبعي ..

** سابعاً // كثر الحكي ماذل عز الرياجيل = ولا يمكن ان الهرج ينفع ضعيف

***** هذا اللي عندي وسلامتكم