[align=center]
السلام عليكم ورحمة الله وبركاته ،،
وأسعد الله مساكم .. بالرضا والعافيه ،،
وارشيفيه متواضعه ،، للتواصل ..مع الجميع
،،
،
،[/align]
[poem=font="Arial,4,black,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الصاحب اللي غيبته طالـت لـه أيـام وشهـور=أوجسّت من خطرا ..غيابه خاطرن .. لـه كـدرا
ياصاحبي عن خافي المكنون إخّذهْ فـي سطـور=بي علـة ٍ ياصاحبـي .. مالـه عـلاج ٍ يذكـرا
الحب في قلبي سطا حتى غشـى حالـي نفـور=قلب ٍ عقـب فرقـاه مأظنّـي غصونـه تثمـرا
محروم من شوفه ولا .. أظنّ الِقدم يمّـه تـزور=إلاّ بحلـم الليـل طيفـه .. زارنــي متكـبّـرا
منْ فارقت عيني .. وخلا مابنينـا مـن قصـور= أمسيت بين أطلالـه .. أسيّـح دموعـي وأنثـرا
متلحفن ليل العنّا .. وانثر لـه أشواقـي عطـور=وأسج ْ في ذكرى غرامه ليـن قلبـي أستشعـرا
والهاجس اللي جابنّي في زحمة الشعـر مغمـور=معه الجزاله .. بكل حرف ٍ من حروفه .. سطـرا
يرسم لك المعنّا مـن أفكـار ٍ عذيّـات الزهـور=من وارد أفكاره قطفـت .. ورود قـاف معطـرا
والهاجس المخطور .. بحر ٍ دونه أمواجي تثـور=إليّـا بنيـت إبيـات فكـري فالجزيـل محـيـرا
وماهمّني نقض القوافي أو فتّـل قـاف معسـور=أنا مثل ما أنته .. على سطح البحـور مصيطـرا
والدهر محسوب الخطاوي ..والعمر فيه محصور=والحلم مبتور الرجاوي .. والشقـاء فيـه أثـرا
والمركب اللي فاتنا من زهـوة العمـر معثـور=ياطا على وعور الوطا.. ويرتع معْ وحوش العرا
متبهذلن .. ماذاق مـن مـرّ البهاذيـل معـذور=وأقفى من عيوني يجر .. خطاه محـروم الكـرا
والشّعْر منطوق الفؤاد .. وساحة ٍ فيهـا العبـور=كم شاعر ٍ ممّـا يشيـل القلـب قـال وصـوّرا
والشاعر اللي كرّم القيفـان ..وقدمهـا جـزور=الله يبيض وجـه .. مـنْ قـدّم عشـاه وبّـدرا
ون جيت تنشدني عن خِيّـال ٍ آخايلهـا صبـور=مستوحشن أرض الخلا .. وأنطرْ فياض ٍ تزهـرا
أنا صبرت وطال صبري وراعي الصبـر مأجـور=متأثرن .. والصدر ممّا .. شـال صبـري زبـرا
سحّايب ٍ تمشي معي .. وعن ناظري قبل النشور=تحجب نزوح الصبْح.. ولأدري بأي أرض إتعفـرا
ماقضّها رعّاد وسـم ٍ.. سـاق بـلاّل الضمـور=ولا عانقت سيل ٍ .. معا غيث الضوامـي أمطـرا
والبرق يلمع في بريقه بـارق السيـف السبـور=فـي مدلهْـم الليـل .. لا شعّـت بروقـه ذيـرا
متميز ٍ بالصوت حسّه .. يفهق البكرا .. عشـور=مثل الجمل ..لاهاج من .. خلف الرحايـل يهـدرا
والعيطموس بطيفها .. تسرج من ظلوعي مهـور=وآهيم مع طيفه على مهـرة .. خيالـي مبحـرا
ماشافته عيني .. ولكن مالـك ٍ حـسّ الشعـور=تدفي خفوق ٍ عن شديد .. الهجر آمسـى مدثـرا
والصدق ينقذ صاحبه ..والكذب مع نفسي محظور=وآشير وعن هالرأي.. كل من حولي صد مغـررا
والفكر ينفض قاسيّه .. والرأي من فكري محشور=مانفلت حبالـه مـع المعتـوه .. مهمـا عيّـرا
وأكيد أبو وجهين ماله بالعرب عهـد .. مخبـور=وعندك خبر .. كم صاحب ٍ باق الرفاقـه وأدبـرا
له غارب ٍ في ديرتـه ينـدّب لياليهـا.. الثبـور=متلطخن .. بالـذم وعمـه حـلّ دمـه وأهـدرا
والغيرة اللي .. ساقت الحاكم لجل دينـه غيـور= ماسيّرت جيـش إعتـلآ بيّرقـه وشـم ٍ نصّـرا
والحكمة اللي سنّها ربـك علـى خلقـه تـدور= تمشي على حكمه .. ونفسك في رضـاه تكبـرا
والشجرة اللي فرعها وسط الثرى يفرش جـذور= ماتقعمه زجـرْ العواصـف.. دام فرعـه جـذرا
ومادام طيري مخلبه عادتـه.. يفـرس بالنحـور=متبصرن حتى يصيـر الليـل .. عنـدي أغبـرا [/poem]
[align=center]
،،
،
،
وسلامتكم جميع .. [/align]
| 
|
05-27-2008, 05:33 PM
العرض العادي
