بين فصلين الشتاء والصيف ادعوكم

[ولد الأحرار]

هلا بك اخوي البارق مره اخرى



بلعكس وانا اخوك ماتكثر الاجتماعات بين الناس الا في الشتاء ..

خليني اعطيك امثله على النفسيه اللي اقصدها..

مثلاً / الظهر في الصيف .. بتكلم على منطقه الرياض بالضبط بما اني

اعيش فيها .. لو تروح الثمامه ولا اي منطقه صحراويه .. راح تشوف

الناس هناك .. وكيف هم يتمشون وفالينها على الاخر .. لا.. الناس ماتصدق

على الله بس تقابل المكيف .. وتغيب الشمس .. الناس ماتطلع

الا في الليل . تخلص اشغالها .. ومعروف ليالي الصيف سريع سريع ..



مثال اخر/ عندنا في الرياض زحمه مايعلم فيه الا ربك .. في الصيف تكثر

المشاكل .. يعني منظر طبيعي تشوف اثنين متماسكين بالحلوق .. عند

اشاره مثلاً او في الشارع على اتفه الاسباب .. ليش ..لان الواحد ماهوب

طايق نفسه من هالحر .. لكن في الشتاء ..لا.. مافيه هذي المناظر ..

واشياء ثانيه يمتاز فيه الشتاء عن الصيف بكثير ..

هذا ماقصدته بالنفسيه ..


تحياتي