أجمل أبيات حزينة

[الرومنسي]

[align=center]قصيدة للشاعر الكبير وغالي علينا : عبدالله المرشدي


ياسهيل تل القلب من بين الاضلاع
تل الرشا للدلو مـن قـاع جمـه

عدٍ عليه مـن الخلايـق تجمـاع
دايم عيون اللي رعى الطرش يمه

مصياف لجموع المحيلين مربـاع
قـراح نباعـه غزيـرٍ مجـمـه

ياسهيل طاوعني بعد جهد وصراع
واخلص معي بالحب كيفه وكمـه

يوفي لي المعدال بالكيل والصـاع
واعطيه من فرحي واقفـي بهمـه

ياسهيل ماهو من خبيثين الاطماع
ولاهو من اللي يستحـق المذمـه

ربي عطاله من حسينات الاطبـاع
اعطاه من كل الصفـات المهمـه

غصبٍ عليه صرت للزين مطـواع
وانـا منـول كـل طيـبٍ اخمـه

القلب من نار الغلا بالهوى مـاع
وان راح خله مالقى مـن يلمـه

انا اشهد اني من هوى الزين ملتاع
كني غريـرٍ فاقـدٍ شوفـة امـه

لو شفت زينه نذر يسهيل ترتـاع
حتى لونـك شهـم منتـه برمـه

يفر عقلك من جمالـه بالاصبـاع
اراهنـك لازم تجيـب المطـمـه

قله ليا شفته ترى شاعرك ضـاع
حبك سطابه وانتشر وسـط دمـه

ضامي لشوفك والمعاليـق جيـاع
فاقد حنانك غـارقٍ فـي معمـه

رجع له اللي فات هالساع هالساع
لاتتركـه مـادم سببـت هـمـه

ياسهيل داري عنك ياوافي البـاع
لانته بخـالٍ لـه ولانتـه بعمـه

عطني جوابٍ مانبي فيـه مرجـاع
عطني قصيدٍ فوق صدري اضمـه[/align]