المرشدي وصحيفة الرياض

[إبن ثعلي]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اليوم قررت ابتعد عن حراويك=من عقب مادورت لك بالحراوي

ماقول اببعد عنك وارجع واراضيك=واقول انا فعلاً على البعد ناوي

فيما مضى لاقفيت ملزوم اناديك=واليوم قربك والبعاد متساوي

بغيت قربك يوم انا كنت شاريك=لكن وصالك مايجي بالمناوي

تعبت واتعبت القدم في مماشيك=والنفس طابت من حياة الشقاوي

لو كنت تدري كيف انا كنت هاويك=ماكان خليت المحبه لاهاوي

يضيع وجهي كل مامر طاريك=شكلي يقول اني مسوي بلاوي

كني ليا من جابو اسمك اداريك=اخاف ذكرك يكشف اللي خفاوي

اتيه في وصفك بشعري واواريك=عن عين من قلبه لوصلك شفاوي

غرك جمالك تحسبني ماخليك=لالاحبيبي كنت بالحيل غاوي

زود الجمال وفاره الحسن مغويك=ماعاد لحوال المحبين تاوي

تجرح على كيفك ولاهم غاليك=ماكنك انت اللي لجرحه تداوي

يابو عيونٍ حور محدٍ يحاليك=مافيه مثلك بالحضر والبداوي

ربي عطاك الملح والزين ماليك=كنك مصور فتنةٍ للهواوي

سبحان منهو باجمل الوصف معطيك=من كل وصفٍ زين بالحيل حاوي

يحق لك مادام غيري طمع فيك=ويحق لي ابعد مدامك سهاوي

صحيح اببعد بس ماني بناسيك=بذكرك لامن قمت اغني غناوي

واطلبت من المولى للاحسان يهديك=وتروف باللي صار مغرم وهاوي [/poem]صح السان عبد الله مرزوق المرشدي ومشكور يابن مسلم على نقل الخبر
تحياتي