ارقي درج والحظ ينزل اسنصير

[التركي]

[align=center]قصيدة للشاعر / عبدالرزاق بن مخلد الذيابي ( سابك ذهب )

::
.
.
أرقى درج والحظ ينزل اصنصير

.
.
::





كم من جبيناً كـل وقتـه تباشيـر
حظه يغنّي له على طـرق وَرقـا

وكم من وجيهاً حظها قاعة البيـر
لوهي وجيهاً في المواقيف عَرقـا

ارقى دَرَج والحظّ ينزل اصنصير!!
ينزل وانا من عادتـي لازم ارقـا

حظاً يعاكس خَطوتي وين ما اسير
لامن بغيت الغرب! ينحاز شرقـا

حظي بوقتي صار مثل الأعاصيـر
بينه وبين الزين مليـون فرقـا!

قصة عتيبياً جـرى لـه تعاسيـر
قلبه مـع الروقه,وعينـه لبرقـا

انا وحظي! سالفة راعـي الطيـر
ياطير إبن برمان فرقا وفررررقـا

طيراً من إكبار الطيور المشاهيـر
اللي لها بيـن المناعيـر طرقـا

غذاه إبن برمـان وإبكـل تبذيـر
طرحَة يِده ماجـاه نهبـاً وسرقـا

تعَب عليه ودبّـره خيـر تدبيـر
وسرَح بطيره يدرق الصيد درقـا

وهَدّه بغاه إيصيد ويجيب له خيـر
وعَوَّد عليه إبحيَّـة الغـار زرقـا

حيَّه وصار إلنابهـا فيـه تغزيـر
تدفق بسمّ ازرق بلغ كـل عِرقـا

وداخل وريده! صار للسمّ تأثيـر
سمّ ٍ زرَق في داخل القلب زرقـا

طيراً ذبح راعيه قصه وتصويـر!
إعروق ابن برمان بالسـم غرقـا

روَّح يصيد! وراح فيها! مقاديـر
مات وعليه إقلوب اهاليِـه حرقـا

وياحظ ياللي نـازل ٍ بالأصنصيـر
متى تزيـن, وتلتفتلـي, وترقـا؟ [/align]

[** راس حربه **]

صح السااااااانك شاعرهاا الذياابي

جزله من اختيااار جزل يالتركي


وتسلم على النقل والاختيااار الاجمل


دمت بود

[التركي]

[align=center]مشكور يالذيب علي المرور تحياتي يالغالي اخوك تركي[/align]

[إبن ثعلي]

مشكور يالتركي على حسن الاختيار وصح السان عبد الرزاق الذيابي
تحياتي

[فهد العايضي]

ماقلت لك انك مميز ولا تأتي إلا بما هو مميز

مشكور اخوي تركي وصح لسانك

ولسان الشاعر عبدالرزاق

[التركي]

[align=right][align=center]بن ثعلي[/align][/align] [align=center] الغريب[/align] [align=center]تسلمون ياشيوخ المنتدي [/align][align=center]من دون اقصور في الباقين علي المرور [/align][align=center]تحياتي لكم اخوكم تركي[/align]

[بن محماس]

صح لسان قايلها ويسلم رأس ناقلها

التركي الله يعطيك العافيه ويبارك فيك على تميزك ويزيدك تميز

كاتبين تحت أسمك عضو فعال ياليت لو تغير لعضو أفعال


أخوك / بن محماس

[طالع]

التركي يواصل تميزه


لله درك يالتركي


<<<<من المتابعيبن لمواضيعك


واصل يالغالي

[التركي]

مشكور يالامير علي المرور تحياتي

[ابن ثريان]

عز الله انك ماقصرت ياالتركي وبيض الله وجهك على هالقصيدة انت وقايلها ..

آه ..آه كنه يقصد...........؟!