نوف بنت شطيّط العتيبي

[The_Dream]

المرجله



إذا المراجل لبسة شماغ وعقال




قل للعذارى يلبسنّ العمايم




ما عاد يفرق زول حرمه ورجال




دام الفعايل تشبه البعض دايم




المرجله ما هيب كلمه وتنقال




وتروح ما راحت هبوب النسايم




وإلا خشونة صوت أو رفع الأثقال




أو رزة صدور وفعل الزلايم




ولا هي بعد مفتاح موتر وجوال




وإلا ردى لسانن حديثه شتايم




المرجله شيمه عن القيل والقال




رفيع نفس (ن ) حر بالجو حايم




المرجله عقلٍ وزن وزنه جبال




ودون العقل وش فرقنا والبهايم




يا مسندي لو مايل الوقت بي مال




يا ولد أبويه يا عظيم العزايم




يا معرب الجدين من العم والخال




يا نخوة المفزوع وقت الهزايم




المرجله يا خوي هي طولة البال




هي العزم هي الصبر فالظلايم




فيها الكرم عزه دله وفنجال




فيها الكرامه عن ردى الطبع شايم




والدين لامنه خذا القلب منزال




مشى طريق الحق وابليس نايم




ومن لا عرف ربه في طيب الحال




لابد وقت الضيق بالهم هايم




حتى صلاتك مع جماعات ورجال




في خيرها يا خوي نعم الغنايم




ولامن نصف ليلك قم صفي البال




يا عظم أجرك بين ساجد وقايم




ولا من رفع ربي له كل الأعمال




حسن الذكر لا قالو فلان صايم




وخلك شريف القصد يا طيب الفال




سوء المقاصد فالبيوت الهدايم




واحذر تبيع النفس في دب الأنذال




وتتبع خوي إبليس راع النمايم




النفس خيل لك إذا كنت خيّال




ومن لا قوى نفسه قوته الهزايم




ولا صرت ما تدري لو يش أنت رجال




والله خسارة فيك ذبح التمايم


كاتبة القصيدة:

[العريدي11]

صح لسانك وصح لسان شاعرتها

الله يعطيك العافيه

[بوشامه]

صح لسانك/tha-draem ] على النقل وصح لسان الشاعره على القصيده الجزله 0

[جراح العتيبي]

ياسلام ياسلام


صح لسانك ولسان


شاعرتها



والله والنعم بعودن جابها

[نجداوي نجد]

قصيده اكثر من رائعه

وسبق وان سجلت اعجابي في باقي المنتديات

تسلم على النقل

تحياتي لك

[إبن ثعلي]

مشكور يالحلم على حسن الاختيار وصح السان الشاعره نوف بنت شطيط العتيبي
تحياتي

[حسام هوازن]

قصيدة رائعة وجزلة

يعطيك الف عافية يولد العم

على النقل الرائع

دمت بخير

[برقاوي هواوي]

تسلم على النقل أخوي وصــح لسان من قالها

[مخاوي النشامى]

صح لسانك اخوي ولسان من قال القصيدة
تسلم يمينك

[The_Dream]

الشكر للكاتبة الرائعة...............واشكركم على المرور