مقـارع الـطيب

[سلطان بن محسن]

[poem=font="simplified arabic,5,black,bold,normal" bkcolor="transparent" bkimage="backgrounds/5.gif" border="double,4,gray" type=2 line=1 align=center use=ex num="0,black""]

قال العتيبي يوم حدته الأنشاب=من هرجتن فالصدر تخجل شفاته
يومنها بالطيب رقوك الأصحاب=يوم الرجل يحرم عليه إنفلاته
أما أنها بمقارع الطيب يالداب=الذيب ماينسى عشاه وثباته
وأنته صديقن لي من أعوام وحساب=واليوم ماباقي من الود هاته
كان الصداقه عندك إهروج وغياب=عن لازمن طوق فضاي وجهاته
منتب صديقن لي ولانيب كذاب=وأصدق وأقول الصدق هذي حلاته
رد الوفاء كايد ولاهوب غلاب=للي ملازيم الوفاء من صفاته
يرقى سنود ويلحق الجدي ماخاب=وسهيل صفق له ويرجي سواته
من حدثه قلبه عن الطيب ماتاب=يبقى رفيع ونور عينه صلاته
وأنا ولد قومن لهم فعل وأطياب=ربعي عتيبه سعد من هم غناته
ياما مشوا في نجد يطرون بإعجاب=ماقد سهجهم جيش يملك جراته
واللي تجرى يذكر إشلون قد شاب=ويذكر مواقف ميلته عن ثباته[/poem]

[اصايل]

من حدثه قلبه عن الطيـب ماتـاب
يبقى رفيع ونـور عينـه صلاتـه
وأنا ولد قومن لهم فعـل وأطيـاب
ربعي عتيبه سعد من هـم غناتـه
ياما مشوا في نجد يطرون بإعجاب
ماقد سهجهم جيش يملـك جراتـه



كفو



صح لسانك بلا عدد


لاهنت

[سلطان بن محسن]

ياهلا فيك يا اصايل

شكرا على مرورك العطر00

[البارع]

يومنها بالطيب رقوك الاصحاب
يوم الرجل يحرم عليه انفلاته
اما انها بمقارع الطيب يالداب
الذيب ماينسى عشاه وثباته

صح لسااااااااانكـــ ياسلطان ... لاجديد غير الابداع ....تقبل اعجابي بكل ماهو جديد...

[سويلم الخراص]

ابو محسن لله درك لله درك لله درك


مبدع ولك خالص التقدير

[ثامر العنزي]

وأنا ولد قومن لهم فعـل وأطيـاب
ربعي عتيبه سعد من هـم غناتـه
ياما مشوا في نجد يطرون بإعجاب
ماقد سهجهم جيش يملـك جراتـه

ونعم اللابة والله

صح السانك ولا هنت

[إبن ثعلي]

صح السانك ياسلطان محسن ولاهنت قصيدة جزله اطلعت على الموجودين فوجدتك تقرأها ولم اطلع عليها من قبل رغم قدمها
تحياتي لك