خيمة الاعضاء الرمضانيه حياكم ...

[الأدميرال]

المشاركة الأصلية كتبت بواسطة اصايل سوعال لو أعرضت اختك عليك انها تشارك مع رجال او مؤ مع رجال بس انها في فريق كرة قدم وبحجابها الشرعي كما يدعون اوك ويكون العرض ع القنوات ومباشر توافق ؟؟

ههههههههههههههههههههههههههههههههههههههههههه
سؤالك عقيم مره مره يا اصايل
اصايل

حنا بدو ولنا عادات وتقاليد
بس مو يعني بعاداتنا وتقاليدنا ان ننظر للفئات الثانيه من المجتمع
نظره ساقطه مجرد انها كاشفه وجهه او لابسه حجاب او انها تشارك في مسابقه رياضيه
والكلام يطول بها الموضوع وان شالله راح انزل موضوع بخصوص مشاركت السعوديات باالالعاب الرياضيه

[اصايل]

رايد صدر والا ورد كلها سوا قدها زحلطت ههههه

[الأدميرال]

المشاركة الأصلية كتبت بواسطة رائد المرشدي لكن بالله كيف اسولف معكم وأنتم واحد رافع اصبعه يتشهد يذكرني بالموت و وحده ماسكه البندق تبغى ترمي يعني كلها موت في موت وخخخخخ

خخخخخخخخخخخخخخخخ
لاتخاف من الموت ثم يجيك

[اصايل]

وش عقيم ومو عقيم

لاتحطها ع العادات والتقاليد حنا قبل يحكمنا دين

والدين ماقال خلو بناتكم يطامرون بين الرياجيل ويقولون رياضه بحجة انها موب سعوديه

وأنها طرش بحر وكذا

ياعمي لاتحطها ع العادات وبعدين تراك للحين ماجاوبت

:)

ناطره موضوعك

[رائد المرشدي]

ههههههههه

اذا مأنت مجاوب وكلني محامي

[اصايل]

رايد من دون التوكيل

هات رأيك :)

[الأدميرال]

المشاركة الأصلية كتبت بواسطة اصايل وش عقيم ومو عقيم لاتحطها ع العادات والتقاليد حنا قبل يحكمنا دين والدين ماقال خلو بناتكم يطامرون بين الرياجيل ويقولون رياضه بحجة انها موب سعوديه وأنها طرش بحر وكذا ياعمي لاتحطها ع العادات وبعدين تراك للحين ماجاوبت :) ناطره موضوعك

انتي وجهتي السوال لي وجاوبتك على قد سوالك لي ان حنا عاداتنا وتقاليدنا ماتسمح او ان نرضى ان بناتنا يشاركون بأي مسابقات رياضه خارج البلاد او داخلها
لكن سوالي لك
الدين منع الرياضه على النساء؟

[الأدميرال]

المشاركة الأصلية كتبت بواسطة رائد المرشدي ههههههههه اذا مأنت مجاوب وكلني محامي

ههههههههههه
هلابك شاركنا وعطنا رايك

[الأدميرال]

http://www.youtube.com/watch?v=0VMGz...feature=relmfu

[اصايل]

انا كان سؤالي لك انت ترضى اختك تروح تشارك ويشوفونها الرجال ؟؟

اما سؤالك

انا ماقلت الدين حرم والا حلل

والرياضه ما فيها شي للمرأه لكن بشروط وش الشروط

اهمها ماتطلع عند الريجيل وبلبس مدري كيف قايل !!! وحتي وهي مغطيه شعرها بس

فيه انديه نسائيه تروح لها بكيفها بمدرسه بكيفها بس بين العالم تلعب كراتيه والا باليه ؟؟ والا مصارعه !! وين الدين في هذي كلها ؟؟