سجل حضورك اليومي ببيت شعر أو حكمه ..

[مامثلي أحد]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

[b]

-


عذب السجايا وعوده بأول الكنه =متى تزين السوالف وآخذ علومه
وأسامحه عن خطاة الجرح و الونّه =وأعاتبه لو يصد شوي وألومه
و أذكّره بأول المسفار حتى إنه =لا من تذكر زمان أول نسى نومه
يوم إنه اقبل خدين الروح يومنه =وأقبلت أراعيه والقومه هي القومه
من يومها والحشا ما عاد له خنّه =إلا لصوته وميعاده وملزومه
عفري هنف للضلوع وجا لهن حنه =وأستانست له فياض القلب ورجومه
لبى جبينه لا أرتج الغطا كنه =برقٍ يصب الرفيف بكبد ديمومه
ما أقول شفته وشفت البيض يتلنّه =أقول شفته وشفت الشمس منجومه
ما أقول كن الجديل الليل لاكنه =ليل خرعه الظلام وضيع نجومه
يا قبلة الله هاك العنقود لامنه =قام يتهجا شذى عطره ويشمومه
فيه أنتهى النور لا والله بدا منه =فجر نعس بالوريد ونام بهدومه
وردٍ تفرعن حَمَاره قلت أبا كنّه =إلى متى والحنايا منه مفطومه
فز وتطرق رطيبه قلت ما عنه =بالم شيحه وريحانه وقيصومه
صد وتلعثم هديله في برد سنه =يا قوم ذا النور يوم أنكت يا قومه
الله عطانيه والله يعطي الجنه =وأليا استجد الهوى كلٍ ومقسومه[/poem]