يـَــاويــشْ بِنتٍ رَجلَهَا غيرْ مَرغُوبْ ! )محلول( من خليجي صح لسانه

[عنآد العقاب]

السلام عليكم ورحمة الله و بركاته ,’
أول موضوع لي في قسم الألغاز, و تسعدني المُشاركة بـها اللغز البسيط و المتواضع فـ عتيبة
أتمنى عاد إنّه يطوّل وماينذبح بسرعة

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياويش بنتٍ رجلها غير مرغوب=يقتل بنات آدم ويسمح للأولاد
بعد اللقاء للبنت تأثير و اسلوب=كيف انقذت شعبٍ على الذلّ معتاد
أول حروف البنت فالعام محسوب=و آخر حروف البنت لو تكتبه زَاد


[/poem]

[جااابر]

صح لسانك ياعناد
وجاري التفكير والله اني خايفن علاااه يطنب بالصياح

[وجودك يكفي]

صح لسانك ياعنآد العقاب ولاهنتي على اللغز الرائع

جاااري التفكير

[وجودك يكفي]

المشاركة الأصلية كتبت بواسطة جااابر صح لسانك ياعناد وجاري التفكير والله اني خايفن علاااه يطنب بالصياح

ههههههههه له الأمان مني والوعد في الصفحة العاشرة يمكن ارمع وافقع عينه ويمكن يسلم

[عنآد العقاب]

صحّت أبدانكم جميعاً ولاهنتم , و بإنتظار رمعاتكم .

[{ أبوفيصل }]

صح لسان راعي اللغز وحياكـ الله يالعقاب

والله ماودي استعجل بالرمعه لين نشوف رمعة الأخوة والمشاركات عليه
لكن وش تقولين في شهر زاد وزوجها الغير مرغوب فيه معروف شهريار والقصة معلومه

[وجودك يكفي]

اشهد إنك فقعت عين اللغز ياخليجي والعلم الأكيد عند عنآد

[عنآد العقاب]

المشاركة الأصلية كتبت بواسطة خليجي صح لسان راعي اللغز وحياكـ الله يالعقاب والله ماودي استعجل بالرمعه لين نشوف رمعة الأخوة والمشاركات عليه لكن وش تقولين في شهر زاد وزوجها الغير مرغوب فيه معروف شهريار والقصة معلومه

صحّ بدنكم و الله يحييكم

/

قريت "والله ماودّي أستعجل بالرمعة " وقلت زين أشوه

بس من شفت "لكن" وعرفت إنّه راح في خبر كان


/

صحّ لسان " خليجي" عالرمعة

و أعتقد اللغز واضح و مايحتاج لشرح , وشكراً لكلّ اللي شاركوا و مامداهم يرمعون

[جااابر]

ماشاء الله عليكم ابداع اعجبني كثير وابد ماكنت حوله
وصدق طنب بالصياح يعطيك العافيه ياعناد وصح لسانك ياخليجي

[وجودك يكفي]

صح لسانك ياكابتن خليجي وبيض الله وجهك على الرمعه القاضيه .. وصح لسانك ياعنآد العقاب ولاهنتي على الطرح واللغز الجميل