اليله

[فهد بن شجاع العضياني]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الليله الليله نويت ابدع القاف = واطلق عنان الشعرواسرج خيوله
واليا قضا محراف سويت محراف =واخذ مع الطاروق صوله وجوله
اوظف الكلمه على حسب الاهداف =وارسم بيوت ماتجي بالسهوله
حبكتها حبكة مهندس وعراف = من مصنع افكار الضمير معموله
جواهر ماصاغها كل صراف =من زينها تحري بكاس البطوله
ارقابها في راس قمه ومشراف =هذا هوى بالي وهذا ميوله
والوقت لو جاني منه ميل واجحاف= عقد الليالي عندربي حلوله
الواحد اللي بالمخاليق رواف = اللي عباده في الصلاه اسجدوله
العالم اللي للسريرات كشاف= مجري دواليب الزمان وفصوله
ارجيه عونه وانتظر منه الانصاف = لوصارت الدنيا ميوله ختوله
دنيا نوصفها على عدت واصاف = باب كبير محكمات قفوله
والباب هذا يطرقه عدت الاف=احدن نشب واحدن تسهل دخوله
والا مثل سيف على كف سياف =في يوم حرب كل عاقل يهوله
اللي ربح من خيرها ضعف الاضعاف =في محفلن دايم تغني طبوله
واللي نقل من همها كل الاصناف = الفكر شارد من عناه وذهوله
من هول ماعانى ومن كثر ماشاف =مثل البعير الي برك بالحموله
اليا قبلت لابد من يوم الانكاف =واليا ادبرت ولت وقفت عجوله
[/poem]

[أبحرت في عيونك]

اوظف الكلمه على حسب الاهداف.....ورســم بـيـوت ماتـجـي بالسـهـولـه
حبكتـهـا حبـكـة مهـنـدس وعـــراف....مـن مصنـع افكـار الضمـيـر معمـولـه

الله الله


عز الله مهندس

صح لسااااااااااااااانك جزله من راس جزل



تقبل مروري:وننتضر جديدك



أخوووووووووووووك

[إبن ثعلي]

صح السانك يا فهد شجاع قصيدة في الحكمه لايعلى عليها لكن قصائدك ماتجي الا على الحول شبيهه
بحوليات زهيربن ابي سلمى

[عزالرفيق]

صح الســــــــــــــــــــــــــــــــــــانك ........................

[آلعطـ خ ــآوي]

كلام والله صح السانك قصيده رايعه

[قلم ولكن]

الله الله
صح السانك
لاهنت يالقرم

[رايـق]

اوظف الكلمه على حسب الاهدافوارســم بـيـوت ماتـجـي بالسهـولـه

قصيده جزله من جزل

بارك الله فيك

وابداع وشاعريه واضحه بجد

نتمنى المزيد يالغالي

[نايف تراحيب]

حيآك الله ،

شآعريه عآليه وابيآت فيهآ من الجزآله ما يشبع الذآئقه ،

في انتظآر المزيد والمزيد :)


احترامي وتقديري


/


،

[الطرف الحنون]

دنيا نوصفها على عـدت واصـافبـاب كبيـر محكـمـات قفـولـه
والبـاب هـذا يطرقـه عـدت الافاحدن نشب واحـدن تسهـل دخولـه


صح لسانك وإعتلا شانك

قصيده جزله

بارك الله فيك

[فهد بن شجاع العضياني]

اشكر جميع الاخوان الاعزاء على المرور والاطراء الذي اسعدني جداً

ويسعدني ان اكون متواصل معكم دائماً .