قصيدة رثاء مات صاحبها بعد اسبوعين من كتابتها

[بندر بن هاجد]

مقطع صوته الله يرحمه انحذف من اليوتيوب حذفه قريبة عشان كان به موسيقى و ما يبون يلحقه اثم و هو في قبره لكن الابيات جبتها لكم

يقول عساه بالجنة :

البشر في كل عيد تراهم يفرحون ** و البعاد قراب فيه و ما تلاقي به بعيد
مير قلبي بهذا العيد زادت به طعون ** كل ما حاولت انسى خيالاتي تعيد
رزفته في كل عيد على هاك اللحون ** لينتي ميت بداله وهو عايش سعيد
عاد عيد الكون كله ولكن وش يكون ** عيد من غيرك وربي ترى ماهو بعيد
هاجت الذكرى بقلبي وفاضت بي شجون ** اذكر ايام و ليالي ودمعاتي تزيد
كنت تقطع دفتري وتقول ياعادل امون ** ليتك تعود و تقطع من وريدي للوريد
كم فقدت عنادك و افكار توصل للجنون** آآه يا موتٍ خذيت انسان ما مثله فقيد
اه ياربي تراني ما اعترضت و لايكون ** راضي باللي يجي منك عساني ما احيد
ما اقول الا الى الرحمن ربي راجعون ** أطلبك يارب تاخذني ترى بعده وحيد